A Xunta de Goberno aprobou a convocatoria dunha nova edición desta iniciativa que desde a súa creación no 2021 “tivo unha gran acollida e supón un revulsivo importante para a actividade social e económica a través da promoción do territorio”
Lugo, 15 de marzo de 2024. A Deputación de Lugo ofrecerá este ano preto de 2.000 novas prazas no programa de viaxes gratuítas Coñece a túa provincia. A Voceira socialista do Goberno provincial, Pilar García Porto, explicou que a Xunta de Goberno aprobou este venres a convocatoria dunha nova edición desta iniciativa, dirixida a entidades asociativas sen ánimo de lucro de calquera dos 67 concellos lucenses.
“Reeditamos polo tanto este programa, que desde a súa creación hai xa tres anos tivo unha gran acollida e supón un revulsivo importante para a actividade social e económica da nosa provincia a través da promoción do territorio”, valorou García Porto, quen sinalou, que desde setembro do 2021, máis de 8.000 participantes de 358 asociacións xeraron un retorno económico estimado de máis de medio millón de euros.
Nesta tempada do 2024, cada excursión incluirá como en anos anteriores o transporte para os traslados de ida e volta dende o lugar ou lugares de orixe, menú de xantar e entradas e visitas ós diferentes lugares de interese. Con cada grupo irá en todo momento un guía acompañante. As visitas serán realizadas por profesionais que contan coa habilitación de guía oficial de turismo de Galicia e polo persoal encargado de atención ó público nos diferentes museos, empresas ou obradoiros sinalados nos itinerarios do programa.
As solicitudes para participar poderán formularse durante un prazo de 10 días, contados a partir do día seguinte á publicación da convocatoria no BOP.
Estradas provinciais
A Xunta de Goberno aprobou un investimento de preto de 350.000€ para a mellora de dúas estradas provinciais ao seu paso polos concellos de Paradela e do Saviñao.
En Paradela, acordouse licitar, por un importe superior ós 90.000€, as obras para acondicionar outro tramo da estrada LU-P-4202, que é a que vai a Aldosende por Santalla. En concreto, os traballos afectarán ao treito que vai do punto quilométrico 3,520 ao 5,000; terán un prazo de execución de 2 meses; e consistirán na apertura das cunetas, a pavimentación con aglomerado en quente e a reposición da sinalización horizontal e vertical.
A Deputación xa investiu recentemente 96.800€ na mellora doutro tramo desta mesma estrada, entre os puntos quilométricos 17,2 e 21,9.
No Saviñao, a Xunta de Goberno aprobou a licitación, por un importe de máis de 250.000€, das obras para acondicionar outro treito da estrada LU-P-3202, que comunica Monforte e Currelos. Uns traballos que se acometerán no treito que vai do punto quilométrico 11,067 ao 24,436. Terán un prazo de execución de 4 meses e consistirán na apertura das cunetas, a reparación do firme e a repavimentación.
Este proxecto súmase aos 600.000€ que a institución provincial xa leva investido no acondicionamento desta estrada. En concreto, traballou no conxunto da vía con tarefas de limpeza de cunetas, drenaxe e substitución da sinalización vertical; botou aglomerado en quente entre o quilómetro 0 e o 0,455 e do 0,770 ao 3,070; e acometeu a limpeza de cunetas e o estendido de aglomerado en quente no tramo que vai do quilómetro 6,9 ao 10,4.
Cesión do contrato para a construción do CAM da Pobra do Brollón
Cumprindo co que anunciou o Presidente da Deputación o pasado martes, a Xunta de Goberno autorizou este venres a cesión do contrato de construción do Centro de Atención a Maiores da Pobra do Brollón á empresa Construcciones Castro Figueiró SLU por un importe de case 2,2M€.
Pilar García Porto lembrou que esta nova empresa adxudicataria estará en disposición de iniciar as obras na segunda quincena do mes de abril e con este procedemento, a institución provincial consigue acurtar moito os tempos, pois os traballos poden comezar sen necesidade dunha nova licitación.
Agora, a nova adxudicataria, unha vez recibida a comunicación do acordo da Xunta de Goberno, terá un prazo de 10 días hábiles para presentar a documentación correspondente e, tras asinarse a acta de replanteo, as obras poderán comezar na segunda quincena de abril.
Actualización do padrón municipal
A Xunta de Goberno acordou ademais solicitar un novo investimento de 1,2M€ de fondos europeos, no marco do Plan de Recuperación, Transformación e Resiliencia do Goberno de España, neste caso, para seguir avanzando na transformación dixital coa modernización dos sistemas do padrón municipal.
En concreto, tal e como explicou a Voceira socialista do Goberno, estes fondos que a Deputación solicitará ao Ministerio de Política Territorial e Memoria Democrática, servirán para “a revisión en profundidade da información que o Instituto Nacional de Estadística ten en cada concello sobre os habitantes empadroados e as súas vivendas. Desta forma, ao finalizar o proxecto, o INE contará cunha información depurada, contrastada, veraz e actualizada en relación aos habitantes de cada municipio e a súa residencia”.
O Presidente da Deputación remitiu a semana pasada unha carta aos 67 alcaldes e alcaldesas da provincia ofrecéndolles a posibilidade de beneficiarse desta nova iniciativa, que impulsa a institución provincial para “continuar mellorando o funcionamento dos propios concellos e prestar así un mellor servizo público aos veciños e veciñas”, asegurou a Deputada.
Casa da veciñanza de Roupar
Outro dos asuntos acordados pola Xunta de Goberno deste venres foi a sinatura dun convenio de colaboración a través do que a Deputación aporta preto de 25.000€ ao Concello de Xermade para financiar os gastos derivados da reformulación do proxecto da Casa da Veciñanza de Roupar.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
