A Mariña, 21 de marzo de 2024. A Mancomunidade de Concellos da Mariña Lucense iniciou o proceso de ampliación e seguimento do Sistema Integral de Calidade Turística na Mariña para este 2024 co primeiro seminario de formación para os 16 novos servizos adheridos. O seminario de formación tivo lugar onte, día 20, pola mañá en Foz.
Tras contar na pasada anualidade con 29 servizos turísticos adheridos dos sectores do aloxamento, restauración, guías, oficinas de turismo e museos, amplíase este ano sumando 16 novos servizos destas mesmas categorías máis do sector da artesanía e do turismo activo.
Trátase dun proxecto abordado ao abeiro do Plan de Sostibilidade Turística, cofinanciado pola propia Mancomunidade, a Xunta de Galicia e a Secretaría de Estado de Turismo, “o PTS na Mariña Lucense persigue potenciar o turismo en todas as vertentes da sostibilidade: económicas, socioculturais e medio ambientais, e así garantir o desenvolvemento dun modelo sostible e rendible para un destino con visión a longo prazo. O SICTED é unha ferramenta axeitada para colaborar na consecución deste obxectivo, pois axuda a axentes e empresas a introducir ferramentas de xestión para a mellora da calidade e favorecer a coordinación e o traballo en equipo a fin de alcanzar unha conciencia global do destino e un espazo de encontro e colaboración público-privado”, explicou a presidenta da Mancomunidade de Concellos da Mariña, Rocío López.
A xerente do Plan de Sostibilidade Turística, Tania Hermida, contou que “esta mañá comezamos co primeiro seminario de formación para os 16 novos servizos adheridos, estamos moi satisfeitas e agradecidas pola acollida e interese dos distintos profesionais que tanto a pasada anualidade como este ano apostaron por este proxecto para a mellora continua da calidade da man da Mancomunidade. Durante abril, maio e setembro continuaremos a traballar cos 45 servizos totais adheridos na Mariña través dos distintos seminarios, encontros colectivos e visitas individualizadas que require a ampliación e seguimento do SICTED”.
Desde a Mancomunidade subliñaron que “co obxectivo de valorar esa implicación e participación na procura dun destino turístico máis integrado e sostible e recoñecer o traballo en beneficio da calidade que realizan os servizos distinguidos polo SICTED vimos recentemente de crear un novo apartado na web de Turismo da Mariña – Calidad Turística – onde se visibilizan os 29 servizos distinguidos e agardamos que este ano podan ser 16 máis”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
