Estas intervencións, que suporán un investimento por parte da Xunta de 4,7 M€, iniciaranse nos primeiros meses de ano cun prazo de execución de 15 meses
Santiago de Compostela, 7 de marzo de 2024. A Xunta trasládalle ao Concello de Burela a proposta de convenio para executar a nova depuradora de augas residuais, que suporá un investimento de 8,7 M€.
A directora de Augas de Galicia, Teresa Gutiérrez, mantivo hoxe un encontro de traballo coa alcaldesa, María del Carmen López, para abordar as intervencións necesarias para optimizar o sistema de saneamento do municipio.
Na reunión tratouse o financiamento deste proxecto que se concretará nun convenio de colaboración entre as administracións autonómica e local.
Segundo a proposta trasladada pola directora de Augas de Galicia á alcaldesa, o Goberno galego achegará o 95% do investimento para a execución da nova depuradora, que contará co cofinanciamento a través dos fondos europeos Feder, correspondéndolle ao Concello achegar o 5% restante.
As actuacións proxectadas por Augas de Galicia teñen como obxectivo solucionar as deficiencias detectadas na actual depuradora, que foi construída no ano 1999, e mellorar o funcionamento do sistema de saneamento local.
Deste xeito, executarase unha depuradora con novos sistemas de pretratamento, tratamento biolóxico e desinfección.
A solución adoptada consiste nun proceso de tratamento de lodos activos en modalidade de aireación prolongada, dispoñendo dun reactor biolóxico en forma de coroa circular ao redor dos decantadores secundarios, o que permite unha instalación máis compacta que reduce o espazo de implantación.
Estas obras para a mellora do saneamento de Burela completaranse coas do coletor xeral e a execución dunha estación de bombeo e pretratamento que recollerá a maior parte das augas residuais do municipio para impulsalas cara á futura nova depuradora.
Tamén se renovará a rede de colectores xerais para dirixir as augas residuais á nova estación de bombeo e construiranse colectores secundarios para dar servizo á zona portuaria, reducindo a infiltración de auga ao sistema na zona da fronte marítima.
Estas intervencións, que xa foron adxudicadas, supoñen un investimento adicional por parte da Xunta de 4,7 millóns de euros, tamén financiado con fondos europeos do programa Feder. A previsión é poder iniciar estes traballos nestes primeiros meses de ano, cun prazo de execución de 15 meses.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
