Os proxectos, á espera da súa avaliación, teñen os títulos de ‘Burela alumea – O espello do Faro’ e ‘Ondas limpas – Programa de sensibilización e acción ambiental na contorna da Marosa’
Burela, 5 de marzo de 2024. O Concello de Burela presentou dous proxectos ao programa de axudas do Fondo Europeo Marítimo, da Pesca e da Acuicultura (FEMPA), na convocatoria correspondente ao 2024.
Unha vez valorados os proxectos e resolta a convocatoria, informarase á veciñanza da súa resolución e, de ser o caso, do inicio dos proxectos. O FEMPA é xestionado a través dos Grupos de Acción Local do Sector Pesqueiro (GALP), neste caso, do GALP A Mariña-Ortegal.
A alcaldesa de Burela, Carmela López, destaca que os dous proxectos presentados “poñen en valor o papel fundamental que o sector do mar ten na nosa vila, e neles teñen un peso clave a mocidade e o tecido asociativo”.
O primeiro dos proxectos presentados é ‘Burela alumea – O espello do Faro’. Á espera da súa avaliación para a súa posta en marcha, o proxecto foi creado en torno ao patrimonio material pesqueiro e a súa conservación e difusión.
Este proxecto xira arredor do molde do Faro de Burela, empregado para a reparación deste tras os desperfectos sufridos polo mesmo no temporal do ano 2014. A reparación do molde, e a realización dunha obra artística na estrutura, farán que este “funcione como espello” en terra do Faro no mar”, explica Carmela López.
Está enfocado a promover a participación das mozas e mozos de Burela, que exercerán como “detectives e difusores do patrimonio pesqueiro da vila a través de obradoiros de radio e fotografía”, sinala a alcaldesa.
Deste xeito, “fortaleceranse os seus lazos co sector pesqueiro e as súas diversas asociacións e entidades: Confraría de pescadores, Asociación A Moncloa, Asociación de redeiras Cabo Burela ou Fundación Expomar”, explica.
O segundo proxecto presentado denomínase ‘Ondas limpas – Programa de sensibilización e acción ambiental na contorna da Marosa’. Céntrase na concienciación comunitaria arredor do coidado do medio ambiente.
Consta de distintos eixos de acción: recollidas de lixo plástico nos areais, realización dunha obra artística con materiais de refugallo nun local no complexo deportivo municipal da Marosa, e realización de traballos técnicos para a erradicación da uña de gato no areal.
Este proxecto, ademais, “pon o foco na importancia dos deportes no mar como xeradores de actividade económica e benestar social da veciñanza”, destaca López. Conta tamén coa vinculación do sector pesqueiro, e está dirixido á mocidade e ao tecido asociativo da vila.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
