Ribadeo, 4 de marzo de 2024. Hoxe foi inaugurada a rúa do Pipelo tras as obras acometidas nos últimos meses nese vieiro e no aparcadoiro. O investimento ascendeu a 180.000 euros. O alcalde, Dani Vega, subliña a aposta pola conservación do casco histórico e agradece o apoio da Deputación de Lugo.
O rexedor contou que “hoxe inauguramos a rúa do Pipelo, o aparcadoiro, creo que é unha mellora moi importante no entorno do casco vello e imos dando pasos importantes na súa conservación. Creo que se fixo un bo traballo, unha obra que quedou xestionada polo anterior goberno, o cal tamén agradecemos, e nosoutros o que fixemos foi avanzar na obra e mellorala en certas cuestións como nas entradas a esa zona. Era moi importante que estiveran con formigón para contar cunha mellor accesibilidade, tamén o muro da escola infantil, que estaba moi deteriorado. Puxémonos de acordo Xunta e Concello para que se conservara, primeiro con esa rehabilitación profunda que se lle fixo”.
Vega relatou que “tamén humanizamos o entorno do aparcadoiro con árbores preto dese muro, para que sexa acolledor e renovar o pavimento da rúa do Pipelo. Era moi importante e fundamental investir para mellorar todo ese formigón mesturado con aglomerado, que era un completo desastre. E con este investimento o que fixemos foi melloralo”.
Para o alcalde ribadense “cando se determina que nunha rúa vai haber obras hai que coordinarse con todas as institucións, de cara aos correspondentes permisos, pero tamén cos distintos organismos. Si hai que soterrar o alumeado hai que aproveitar, pero neste caso o que fixemos foi obras no abastecemento de auga e no saneamento para non ter que abrir a rúa dentro duns meses ou duns anos. Agora quedou todo correctamente preparado e isto ten unha inversión moi importante. Son 180.000 euros.
Foi unha xestión importante, que a Deputación avalou e investiu, o que lle quero agradecer porque neste traballo da xestión ten que haber dúas partes e que funcionen. O Concello sempre ten que pedir ás administracións superiores, que son a Deputación e a Xunta, e elas teñen que corresponder e neste caso a Deputación de Lugo correspondeu, o que quero agradecerlle a toda institución e especialmente ao deputado que se achegou a esta inauguración, a Dani García”.
Dani Vega engadiu: “seguimos traballando e mellorando todo o casco vello. E isto é un paso importantísimo, primeiro investir e despois conservar todos os entornos do noso pobo, do noso Ribadeo. Isto é o que hai que facer, seguiremos xestionando e traballando para mellorar o noso pobo que é Ribadeo”.
Investimento de 183.000 euros da área de Rural da Vicepresidencia da Deputación
O deputado Daniel García visitou esta mañá a rúa, que foi inaugurada oficialmente despois das obras realizadas na rúa e na súa contorna, cun investimento de 183.000 euros da área de Rural da Vicepresidencia da Deputación de Lugo.
A intervención, financiada integramente pola área provincial e iniciada e adxudicada polo anterior goberno municipal, supuxo a renovación completa do firme da rúa, na que se instalou mobiliario urbano e árbores ornamentais e levouse a cabo unha ampliación e acondicionamento dunha zona de aparcadoiro a carón da vía, situada entre o escola infantil e o centro de día
Daniel García, que estivo acompañado polo alcalde Ribadeo Daniel Vega e polos concelleiros do BNG Pablo Vizoso e Vicente Castro, puxo en valor o investimento realizado nesta actuación, que “proporciona novas prazas de aparcamento e un espazo renovado e humanizado no centro histórico de Ribadeo, e que se suma a outras actuacións que se levaron a cabo nos últimos anos en Ribadeo con financiamento da Vicepresidencia Deputación de Lugo, como a pista multideportiva ou o carril bici entre o centro urbano e o faro de Illa Pancha, mellorando espazos públicos e proporcionando á veciñanza zonas de lecer ao aire libre”
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
