Ribadeo, 13 de marzo, 2024. Trala celebración do 8M, o BNG de Ribadeo fai unha reflexión: “Falámos noutro comunicado do BNG de Ribadeo da nosa preocupación pola falta de rigor e pola concepción errónea nas políticas de igualdade que leva adiante o PP en Ribadeo”.
“Centrándonos só nas datas máis significativas, vimos como no 25 de novembro, Día Internacional para a Eliminacion da Violencia contra as Mulleres, se contraprogramaban as actividades de concentración e repulsa organizadas por colectivos feministas, con concertos á mesma hora. Vimos como ese día, despois de ler un manifesto en contra da violencia contra as mulleres, se ían de celebración, unha comida de nadal do seu partido político. Velaí a coherencia, velaí o compromiso, velaí o respecto ás vítimas, e a importancia real que se lles dá a estas cuestións; un día máis, unha actividade máis, como quen inaugura unha rúa ou vai á festa dos callos. O caso é facer que se fai”.
“Con estes antecedentes, e xa manifestada a nosa disconformidade con esta maneira de facer as cousas, voltamos a atoparnos con outra data sinalada para as Mulleres, o 8 de Marzo, Día Internacional da Muller Traballadora, que desde o Concello decidiron “celebrar” entre spas e concertos”.
“A proposta máis chamativa de todas, unha excursión de día completo a un balneario para que as mulleres se relaxasen no que debe ser o día de maior reivindicación feminista, afastándoas así de toda mobilización. Entre as actividades do programa da excursión, a asistencia a unha “charla informativa sobre os beneficios balnearios”.
Mágoa que a “charla informativa” consistise nunha actividade de venda de productos de presoterapia de dúas horas de duración”.
“Son moitas as dúbidas que nos asolan ante a gravidade de promover desde unha institución pública a asistencia a unha charla comercial dentro dunha actividade propia: Informouse ás mulleres participantes de que ían ter que asistir a un acto promocional de productos ou enmascarouse dentro da “viaxe en igualdade”? Quen era o beneficiario último destas posibeis vendas? Que intereses ten o Concello nestas transaccións para promovelas dende a súa programación institucional?”.
“Ao engano da charla, sumouse o de que as participantes chegarían a Ribadeo a tempo para que as que estivesen interesadas poidesen asistir á manifestación convocada polo OMI para este día, feito que nunca ocorreu”.
“Non celebramos, reivindicamos, un lema que se escoitou unha e outra vez na manifestación convocada polo Observatorio da Mariña pola Igualdade este 8 de Marzo e apoiada por outros colectivos, sindicatos e partidos. E así é: o 8 de Marzo é un día de loita e reivindicación das mulleres para conseguir dereitos que se lles negan, para avanzar cara a igualdade; non é un día para celebrar con excursións, xantares e merendas ou xogos de parchís. Estas actividades, ben programadas e deseñadas, tamén poden axudar na concienciación, na sensibilización, na axuda entre mulleres, mais non son actividades para un día tan sinalado”.
“Ribadeo ten unha grande bagaxe de loita feminista, en grande medida, polo inmenso traballo feito desde a Concellaría de Igualdade dos equipos de goberno do BNG nos anteriores mandatos. Non podemos consentir retrocesos. E desde o BNG de Ribadeo estamos a disposición do noso pobo, e tamén do Concello, para entre todas e todos seguir avanzando en igualdade”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
