Nun partido espectacular, as aínda invictas Supercampioas lévanse o clásico na casa cunha remontada histórica
Burela, 3 de marzo, 2024. Ás 13.00h desta mañá, no pavillón municipal Vista Alegre de Burela, disputábase o clásico dos clásicos, a 22ª xornada de Primeira División Iberdrola, Pescados Rubén Burela FS, cun resultado final 6-3. Nun espectacular clásico no que o Burela comeza a remolque do gran rival, remontando na segunda parte e poñéndose 3 goles por diante dun Futsi sometido por un equipo sedento pola vitoria na casa. Unha exhibición de fútbol sala, retransmitida por Teledeporte é o que viviron esta mañá ao rededor de 900 afeccionados mariñáns, entre os que se atopaban a seleccionadora nacional, Claudia Pons; o presidente do Comité Galego de Fútbol Sala e responsable do fútbol sala feminino da RFEF, Pablo Prieto; o conselleiro do mar, Alfonso Villares; a alcaldesa de Burela, Carmela López e o tenente de alcaldesa, Mario Pillado.
Na primeira parte o Futsi abre o marcador xa no minuto 2 de xogo, cun gol de María Moreno que define soa ante Caridad. Continúa o xogo con moitísima tensión e ritmo e xa no minuto 9 chega a quinta falta do Burela. Con moitas ocasións pero pouco tino sucédense os intentos do conxunto local polo empate, no minuto 12 dous paus consecutivos, o primeiro de Dany e o segundo de Antía ao rexeite do primeiro. No mesmo minuto chegan a quinta e sexta falta do Atlético Navalcarnero, cun lanzamento directo que unha porteira cun gran papel no día de hoxe, a pouco habitual Bea Porrón, sácaa a córner. E no minuto 15 chega a sexta falta do Pescados Rubén, falta que lanza Irene Córdoba meténdoa entre os paus defendidos por Ana Eliza nesta ocasión extraordinaria. Pero un equipo que non sabe o que é a rendición, continúa buscando ese primeiro tanto, que chega no minuto 16 e é un dos 4 goles desta xornada dunha estelar Emilly nun pase de Irene tras un tiro ao traveseiro de Dany. Cando parecía que chegaba o descanso a un gol de igualar a situación, chega o terceiro das madrileñas, un golazo de Irene Córdoba que dispara a porta practicamente desde Navalcarnero.
No segundo tempo sae a pista Ana Eliza que xa se loce coa súa primeira intervención, no primeiro minuto, desviando un tiro directo de falta. A dous goles do empate, no minuto 29 as Invencibles Laranxas comezan a remontada con dous goles consecutivos que solucionan a situación de desvantaxe, ligeralmente, nun minuto. O primeiro de Dany a pase de Emilly e o segundo un golazo de Emilly tras un saque de córner. No minuto 30 chega o 4-3 co terceiro tanto de Emilly nunha xogada individual tras unha boa parede en media cancha. Continúa a presión do Pescados Rubén ante un Futsi desinflado dende o impoñente empate do rival. No minuto 35, o novo adestrador do equipo madrileño, Sergio Bretón, recorre ao xogo de 5 con Irene Córdoba como porteira-xogadora, pero dous minutos despois chega o cuarto de Emilly que chega co balón nos pés a portería baleira. No minuto 38 prodúcese de novo a sexta falta do Burela que precede un espectacular paradón de Ana Eliza que saca a córner o disparo directo. Cun rival que tampouco quere renderse, continúa a presión do Futsi, pero no minuto 40, a menos de 10 segundos do final, Cilene métea cun tiro longo a portería baleira.
Felices tras un partidazo e levándose os 3 puntos do clásico na casa, as guerreiras enfrontaranse o sábado que vén ante outro duro rival, o Torreblanca Melilla, segundo clasificado sobre o Futsi co que compite por ese segundo posto e que nesta xornada supuxo un respiro para o conxunto Melillense que quererá manter neste próximo partido que se disputará no outro continente.
Ficha Técnica Pescados Rubén Burela FS 6-3 Futsi Atlético Navalcarnero
Pescados Rubén Burela FS (6): Caridad; Dany (C), Cami, Rafinha, Patricia, – cinco inicial-, Cilene, Antía Pérez, Cris Blanco, Aroa, Irene Samper, Emilly, Ana Eliza (P). Entrenador: Julio Delgado
Futsi Atlético Navalcarnero (3): Bea Parrón; María Moreno, Leti (C), María Sanz, Laura Córdoba -cinco inicial-, Rapha Martins, Becha, Irene Córdoba, Ju Delgado, Luchi, Marta Balbuena. Entrenador: Sergio Bretón.
Goles: 0-1, min.2: María Moreno. 0-2, min.15: Irene Córdoba. 1-2, min.16: Emilly. 1-3, min.20: Irene Córdoba. 2-3, min.29: Dany. 3-3, min.29: Emilly. 4-3, min.30: Emilly. 5-3, min.37: Emilly. 6-3, min.40: Cilene.
Árbitros: Jorge Otero Mira, Héctor Vilas López, Iván Feliz Otero, Germán Fernández Dacosta.
TA: Antía Pérez, Cami, Julio Delgado, Ju Delgado, Fabiana Ribeiro, María Moreno, Laura Córdoba.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
