Advirten que para efectuar o seu pagamento a entidade local vese na obriga de facer uso do remanente de tesoureiría do que dispón, cifrado en 455.0657 euros, e dun recoñecemento extraxudicial de crédito por importe de 379.860€
Viveiro, 9 de marzo de 2024. O Grupo Municipal do PP de Viveiro compareceu este sábado en rolda de prensa para denunciar a crítica situación financieira do Concello, pois a entidade local, tal e como se extrae da Dación de Conta correspondente á liquidación do Orzamento de 2023, acumula un débeda en concepto de facturas pendentes de pago de preto de 900.000 euros (834.927 euros exactamente).
A voceira, Mariña Gueimunde, arroupada polos concelleiros, fixo público este importante dato para que a cidadanía sexa coñecedora, din, “da deriva á que nos está levando o goberno que temos en Viveiro”, pois para efectuar o seu pagamento a entidade local vese na obriga de facer uso do remanente de tesoureiría do que dispón, cifrado en 455.0657 euros, e dun recoñecemento extraxudicial de crédito por importe de 379.860 euros.
“É inaudito que teñamos que tirar do remanente e dunha operación bancaria para poder efectuar o seu pagamento”. “Claramente, advirte, non somos un Concello saneado; somos un Concello que nin tan sequera pode pagar gastos ordinarios”, apunta a popular.
CLARIFICADORES INFORMES DE INTERVENCIÓN E SECRETARÍA
Os populares basean a súa argumentación nos informes de Intervención, que “con comas e puntos explican que a xestión deste goberno local é a peor que tivemos a todas luces”.
O documentos que se desprenden dos expedientes demostran que a situación actual en materia de contratación no Concello de Viveiro incumpre reiteradamente a LCSP.” É inxente a cantidade de expedientes tramitados nos últimos anos e especialmente no 2023, para o recoñecemento de obrigas adquiridas sen seguir os trámites previstos na normativa contractual, non contando nin con previa licitación nin tampouco con previa tramitación do procedemento requerido na LCSP para os contratos menores, sendo tramitado un importante volume de facturas sen proposta, que incluso levou a que se acumulasen facturas sen consignación no anterior exercicio e que se atopan pendentes do oportuno expediente de recoñecemento extraxudicial de crédito para o 2024.
Así, e segundo se desprende do mesmo, o groso das facturas corresponde a servizos exteriores e suministros; comunicaciones; a publicidade, propaganda e relacións públicas. As partidas destinadas a estes gastos ascenden, pola mesma orde, a 364.751,35 euros, 298.360,80 euros e 55.178,66 euros. De feito, as facturas de menor importe son as referidas a mobiliario (1.909 euros) , transportes (1.208 euros) e infraestructuras (9.140,72) e servicios de profesionales independientes (3.489,64 euros).
“Non podemos permitir este descontrol. Non é de recibo que se gaste en propaganda e en conceptos que nin tan sequera sabemos o que son porque non se detalla e, pola contra, teñamos asociacións e colectivos en Viveiro que non dan cobrado as súas subvencións. Isto é un despropósito e así o trasladamos publicamente porque os veciños teñen que saber o que hai e o que temos”, relatou Gueimunde.
A ALCALDESA NÉGASE A DAR INFORMACIÓN
Para o Grupo Municipal do Partido Popular a situación “agrávase” ao negarse a alcaldesa a dar explicacións no Pleno destes asuntos que, cabe destacar, ían incluídos na Orde do Día da sesión.
“Non só declina pronunciarse senón que o atrevemento é tal que nos dixo que non dispoñía da documentación e nos remite ás actas plenarias. Estamos ante un desgoberno sen precedentes”. Por este motivo, Mariña Gueimunde advirte: “Non nos van a calar e imos seguir fiscalizando, dende a responsabilidade e o rigor, todos e cada un dos movementos deste goberno que nos está levando á quebra administrativa e económica”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
