O conselleiro de Emprego, Comercio e Emigración participou na X Gala da Asociación de comerciantes, industriais, servizos e autónomos de Ribadeo
Ribadeo, 28 de abril de 2024. José González, conselleiro de Emprego, Comercio e Emigración, acompañado do delegado territorial da Xunta en Lugo, Javier Arias, tomou parte este domingo na X Gala da Asociación de comerciantes, industriais, servizos e autónomos de Ribadeo (Acisa), que celebrou a súa entrega anual de galardóns coincidindo co 35 aniversario da entidade.
O representante autonómico destacou o compromiso da Xunta coa innovación de dixitalización do sector retallista e para avanzar na fidelización da súa clientela con medidas como a 5ª edición do Bono Activa Comercio que desde o pasado venres poden descargarse os particulares. Xa son unha trintena os establecementos adheridos en Ribadeo a este programa.
A través do Bono, a Administración autonómica quere impulsar o comercio local e atraer novos clientes cara ao mesmo. A Xunta destina 2,5 millóns de euros ao Bono este ano, co obxectivo de contribuír a xerar doce millóns en vendas para os establecementos participantes. Os galegos poden descargar xa o bono e acceder aos 30 euros de descontos que ofrece a través da súa aplicación móbil.
González informou de que o seu departamento xa traballa no deseño dun plan estratéxico para o comercio, no que está a implicar a todas as entidades. Tamén está avanzado o Mapa do Comercio de Galicia, un espazo que reunirá o sector, con información detallada dos establecementos e a súa xeolocalización.
A Xunta de Galicia está a poñer no centro das súas políticas de emprego aos traballadores autónomos. Exemplo desta aposta é a posta en marcha desde este ano da cota cero para todas as persoas que se estreen neste réxime desde o pasado 30 de setembro. Ata o momento recibíronse unhas 5.000 solicitudes para acceder á financiación da cota íntegra durante o primeiro ano.
O titular de Emprego destacou tamén a consolidación da Rede de polos de emprendemento que, con 1.600 proxectos empresariais asesorados, está a facilitar a vida aos galegos e galegas que precisan de impulso e acompañamento para os seus proxectos.
Plan de remuda
Baixo o paraugas dos Polos de emprendemento, a Consellería de Emprego, Comercio e Emigración está a desenvolver un programa para garantir a remuda nos negocios. Un cento de establecementos están adheridos a esta iniciativa coa que se están a poñer en contacto persoas que deixan a actividade coas interesadas en retomala.
Este programa pronto se completará cunha orde de axudas que ten por obxecto financiar parte dos gastos aboados polos novos propietarios en concepto de traspaso, coa finalidade de garantir a supervivencia empresarial e a viabilidade dos negocios.
O conselleiro agradeceu por último o compromiso de Acisa coas súas asociadas e asociados, por tecer lazos empresariais e contribuír ao intercambio de experiencias de emprendemento, unha labor para a que conta cos apoios da Xunta de Galicia que desde 2020 destinou a esta entidade case 220.000 euros para dinamizar este centro comercial aberto e para a promoción da economía circular.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
