Ribadeo, 3 de abril de 2024. Concello de Ribadeo e Xunta de Galicia asinarán un convenio para a rehabilitación dos espazos das praias dos Castros, As Illas e Esteiro. Os areais estarán listos para o seu uso e disfrute o vindeiro verán.
O alcalde, Dani Vega, anunciou que “Concello e Xunta seguimos a colaborar e imos asinar un convenio para rehabilitar todo o espazo das praias dos Castros, As Illas e Esteiro. Todos sabemos que foron moitos anos sen ningún tipo de conservación e mantemento e isto tivo grandes consecuencias. Faltan moitas pedras nas beirarrúas, as varandas están totalmente destrozadas, os baños están nun estado ruinoso e non podemos presentar estes areais así para os visitantes e para os nosos veciños e veciñas”.
O rexedor dixo que “o que necesitamos é unha inversión. Este investimento que tiña que estar feito agora temos que xestionalo para conservar o que hai. Nosoutros, sempre o dicimos, o importante é conservar o que hai feito, non facer por facer, senón que ten que haber un orzamento destinado e concretado durante os anos para conservar o que xa temos. Estes espazos turísticos e naturais aos que moita xente acode na época estival ou durante todo o ano a pasear, a respirar, a gozar desa tranquilidade medio ambiental, debemos telos conservados”.
Para Vega “é unha boa noticia que hoxe a Xunta e o Concello firmen un convenio de colaboración. E tamén anunciar que a Xunta vai investir na praia das Catedrais en todo o acceso da entrada e no aparcadoiro existente. Aí haberá unha modernización e unha mellora de todo o espazo para ter ben conservado todo ese entorno”.
O alcalde ribadense subliñou que “é un paso moi importante o que se anuncia hoxe. Tamén anunciabamos hai poucos días unha actuación no Cargadeiro, polo tanto imos ter todos estes espazos naturais preparados para o verán, que é moi importante”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
