O acto de entrega de premios do concurso de fotografía amateur “Traballos e mulleres” e do concurso de debuxo escolar “Mamá traballadora” tivo lugar na Sala Multiusos do Concello
Viveiro, 13 de abril de 2024. O Concello de Viveiro entregou este sábado os premios do concurso de fotografía amateur “Traballos e mulleres” e do concurso de debuxo escolar “Mamá traballadora”, convocados ambos con motivo da conmemoración do Día Internacional da Muller.
Estes certames son impulsados anualmente pola Delegación Municipal de Muller e o Centro de Información ás Mulleres de Viveiro como parte das iniciativas realizadas arredor do 8 de marzo.
O acto de entrega dos premios de ambos concursos tivo lugar este sábado ás 12:30 na Sala Multiusos do Concello de Viveiro.
O primeiro premio de fotografía, dotado con 300€, foi para “Singer woman”, de Luis María Barrio Sáenz. O segundo, de 150€, foi para “Recordos”, de Reyes Cerdá Mira. O terceiro, de 100€, para “Trombonista de Viveiro percorrendo o mundo enteiro”, de María Simón Cundíns.
O xurado deste premio estivo conformado por José María Álvez (fotógrafo de El Progreso), Pepa Losada (fotógrafa de La Voz de Galicia), Saúl Jiménez (fotógrafo de Carlos Fotógrafos) e Toño Goás (fotógrafo de Entrefotos).
No concurso de debuxo escolar recibiron o premio Aleixo Mariño Gómez, de 3º de primaria do CEP Lois Tobío; Lara González Insua, de 4º de primaria do CEIP de Celeiro; Xoel Canoura Escourido, de 5º de primaria do CPR Landro, e Carlota Oroza Díaz, de 6º de primaria do CEP Lois Tobío.
Deste xurado formaron parte Oliva Díaz Mejuto (artista local), Paula Díaz Mejuto (artista local), Ana María Abad López (CIM Viveiro), Margarita Fernández Franco (CIM Viveiro) e María Covadonga Dopico Cachán (Biblioteca Municipal).
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
