A subdelegada mantivo un encontro coa alcaldesa de Burela, Carmela López, para facer unha valoración positiva sobre as actuacións financiadas polo Goberno co fin de incrementar os recursos e ferramentas das entidades locais na loita contra as distintas violencias sobre as mulleres
Lugo, 11 de abril de 2024. A subdelegada do Goberno en Lugo, Isabel Rodríguez, puxo en valor o traballo desenvolvido polo concello de Burela cos fondos do Pacto de Estado contra a Violencia de Xénero, que alcanzaron os 13.800 euros na última convocatoria. Así llo trasladou á alcaldesa, Carmela López, coa que compartiu a necesidade de achegar axudas aos concellos para facer unha fronte común na loita contra as violencias machistas.
“A igualdade e a erradicación das violencias contra as mulleres son unha cuestión de Estado prioritaria para este Goberno”, asegurou a subdelegada, incidindo en que “debemos apoiar aos concellos como administración máis cercana á cidadanía para que podan desenvolver políticas públicas e campañas de concienciación e prevención”, engadindo que “Burela é un exemplo de compromiso á hora de despregar accións neste sentido”.
En concreto, este concello da Mariña puxo en marcha cos fondos do Pacto de Estado dous obradoiros para alumnado dos centros de ensino do municipio. O primeiro abrangueu a educación afectivo-sexual, traballando con rapaces e rapazas de 1º da ESO conceptos como o autocoñecemento, a identificación e expresión de emocións, o establecemento de límites, o sexo e o xénero, as relacións interpersoais, a empatía ou a comunicación. A segunda das formacións estivo dirixida a alumnado de 6º de primaria e 1º da ESO para tratar a violencia dixital, abordando o impacto das novas tecnoloxías no que atinxe ás agresións machistas e á violencia nas parellas mozas.
Ademais, os fondos permitiron que o concello de Burela contase con asistencia técnica para a mesa local de coordinación interinstitucional contra a violencia de xénero, elaborando un protocolo de actuación entre os axentes que a compoñen. Nesta liña, tamén realizaron unha andaina solidaria contra a violencia cara as mulleres nun acto de concienciación aberto a público de todas as idades.
Xunta Local de Seguridade
A subdelegada do Goberno, a alcaldesa e as forzas e corpos de seguridade tamén analizaron na xunta local os datos de violencia de xénero na localidade. Comprobaron que existe un descenso dos casos, rexistrando unha cifra de denuncias no último ano de 15. Non obstante, en Burela figuran 27 casos activos na base de datos do Sistema de Seguimento Integral de Violencia de Xénero (VIOXEN).
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
