Son 213 facturas que se abonarán con cargo a este concepto e que corresponden ao período comprendido dende principios de ato ata mediados de outubro, quedando aínda o que resta de outubro e os meses de novembro e decembro sen contabilizar
Viveiro, 24 de abril de 2024. O PP de Viveiro compareceu este mércores ante os medios de comunicación para trasladar á cidadanía “a profunda deriva económica” na que se atopan as arcas municipais debido á xestión do goberno local. Tal é así que, amparados na documentación facilitada polos órganos administrativos do Concello, os populares desvelan que existe unha proposta da Alcaldía para empregar o 100% do remanente de tesourería (425.000 euros) para pagar facturas pendentes de pago e de dubidoso procedemento administrativo correspondentes ó exercicio 2023 ( que na sua totalidade ascenden a 835.000 euros), como así o reflicten os informes de Intervención e de Secretaría.
En total son 213 facturas que se abonarán con cargo a este concepto e que corresponden ao período comprendido dende principios de ano ata mediados de outubro, quedando aínda sen contabilizar os últimos meses do ano .
“Esta é a realidade de Viveiro. No pleno de marzo, a alcaldesa tiña que dar conta do informe anual das resolucións ditadas pola alcaldía contrarias aos reparos de legalidade formulados pola intervención nas contas do exercicio 2023 e negouse a facelo. Nin unha explicación nos deu, nin ela nin o concelleiro de facenda alí presente, a pesares de que servizos tan importantes como os de Intervención e Secretaría explicitaban que non se estaba seguindo o procedemento que rexe a lei. Incluso, advirte Gueimunde, hai procedementos e facturas polo mesmo concepto ou evento, emitidos pola mesma empresa e para o mesmo fin, que exceden dos 110.000 euros e que, supostamente, poderían supoñer un fraccionamento do pago, e que se repiten ano tras ano sen pasar polas mesas de Contratación”.
O CONCELLO LANGUIDECE PERO PRIORÍZANSE GASTO SUPERFLUOS
A popular pon así no centro do debate “a desastrosa” xestión económica do Concello porque, mentres a entidade local ten unha débeda bancaria de arredor de 8 millóns de euros, o que provoca que tampouco se poidan facer inversións, duplica ou triplica a aportación para gastos superfluos.
A modo de exemplo, cita “o desfase en festas e en publicidade”. No primeiro caso, o gasto pasou dos 106.000 euros consignados no orzamento 2022 aos 423.000 que se gastaron no 2023 ,e no segundo, dos 57.000 consignados no orzamento 2022 aos 115.000 euros aproximadamente que se gastaron no 2023”. E tamén critica que, dada a situación tan precaria que ten a entidade local dende o punto de vista económico, se autorizase sin embargo a adquisición de diverso material informático para os concelleiros do BNG e a propia rexedora. En concreto dous ordenadores para os concelleiros e unha tablet para a alcaldesa. En total, máis de 3.000 euros en gastos que ben poderían esperar ata que se regularizase algo a situación ou ser destinados a pagarlle ós provedores, ás asociacións ou a amañar ou prestar servizos básicos. “Esta é unha mostra das prioridades do goberno PSOE+BNG que están levando á ruína ó noso concello”, apunta.
XESTIÓN EN CONTRA DA NORMA
Para os populares resulta “totalmente reprobable” que se xestione en contra da norma. Proba delo, destacan é que as Xuntas de Goberno detallan obrigas sen propostas de gasto a pesares da advertencia da Secretaria que, xa en febreiro, emitiu unha circular na que se lle advertía ao goberno que se acordase de que o procedemento de gasto sempre ten que ir con consignación, a proposta correspondente e os informes preceptivos de Intervención e de Secretaría. “Somos a cidade sen lei”, concluíu.
FUTURO INCERTO
Que pasa cos presupostos? En que situación queda o Concello cando a débeda bancaria ronda os 8 millóns de euros e, aínda que se aproben as facturas de xaneiro a outubro co remanente de tesourería, aínda nos quedan arredor doutros 450.000 euros para pagar no 2024 con recoñecemento extraxudicial de débeda? “Hai que lembrar que aínda faltan as facturas sen consignación de outubro ata decembro… polo que a débeda se incrementaría considerablemente e a situación podería ser aínda máis dramática”, concluíu Mariña Gueimunde.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
