Ribadeo, 17 de abril de 2024. O Concello realizará melloras na Escola de Música, onde instalará un ascensor para eliminar as barreiras arquitectónicas. Este foi un dos asuntos abordados no pleno extraordinario de onte, no que os suplementos de crédito foron os protagonistas.
O alcalde, Dani Vega, contou que “na pasada noite celebramos un pleno extraordinario no que aprobamos orzamentos para seguir investindo, o que ven sendo aportar suplemento de crédito para seguir esa xestión na que estamos traballando neste pouco tempo que levamos no goberno”.
O rexedor subliñou que “actuaremos en infraestruturas. Falamos de estradas do noso rural, para as que debemos aportar orzamento propio. Vou poñer un exemplo, cando imos investir por parte da Xunta 164.000 euros, o Concello aporta 68.000 euros. Polo tanto necesitamos aprobar nas contas municipais a achega local. Ou cando queremos mellorar a Escola de Música, onde imos ter un orzamento da Xunta de 40.000 euros de convenio e tamén solicitamos unha subvención para eliminar as barreiras arquitectónicas coa instalación dun ascensor. Neste caso a maior porcentaxe é da Xunta, pero o Concello ten que achegar 8.000 euros”.
Vega engadiu: “ou a esperada subvención para arranxar o xulgado de paz. Levaban prometidas durante moito tempo subvencións do Goberno de España ou da Deputación, pero por desgraza non chegaron. Nos non queremos confrontar e seguiremos pedindo a esas administracións, pero solicitamos unha axuda á Xunta, de preto de 150.000 euros, pero o Concello ten que poñer 30.000 euros”.
O alcalde indicou que “entón estes 107.000 euros temos que contemplalos nos orzamentos de 2024 para seguir xestionando e investindo. E contemplar nos orzamentos os 70.000 euros de convenio para arranxar e conservar os espazos naturais e turísticos: o Cargadeiro, a praia dos Castros, As Illas, Esteiro… neste caso teremos un convenio no que o Concello non vai ter que aportar ningún euro, pero si que hai que contemplar este convenio nos orzamentos municipais”.
Vega manifestou: “seguimos xestionando, aprobando as contas en tempo e en forma e seguimos nutrindo de orzamento para seguir pagando as facturas. Isto é moi importante, xestionar orzamento, ter liquidez para seguir pagando esas facturas e seguimos contemplando orzamentos para ter programadas as licitacións: luces de Nadal, a Pancha… distintas licitacións que temos que facer e necesitamos aprobar nos orzamentos do 2024 toda esta inversión que iremos facendo paulatinamente”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
