Ribadeo, 28 de abril de 2024. O conselleiro de Emprego, Comercio e Emigración da Xunta, Jose González, visitou hoxe Ribadeo e achegouse a algún establecemento comercial asociado a Acisa. Xunto a el estiveron a presidenta e o xerente do colectivo, Carmen Cruzado e Jesús Pérez, así como o alcalde, Dani Vega, e as concelleiras de Comercio, Cultura e Benestar Social, Marta Saiz, Begoña Sanjurjo e Elena Sierra.
O conselleiro quixo poñer en valor xunto con Acisa a campaña do Bono Activa Comercio da Xunta, á que a día de hoxe hai preto de sesenta negocios locais adheridos, dos que a maioría son socios da asociación ribadense. O conselleiro animou a clientes e comercios a aproveitar esta nova edición do Bono Comercio.
Acisa agradece a visita de Jose González e o apoio da Dirección Xeral de Comercio e da recentemente estreada Consellería de Comercio ao colectivo empresarial ribadense: “agradecemos que contaran con Acisa Ribadeo para presentar e poñer en valor esta nova edición do Bono Activa Comercio na Mariña e especialmente que a primeira visita, fora en Ribadeo e a un dos nosos asociados: Ohana. Cremos que isto di moito nun dia coma o de hoxe, no que conmemoramos os nosos 35 anos de vida. Esta vista reforza a Acisa como unha asociación referente para as administracións e por suposto, e máis importante, a Ribadeo como referente comercial en Galicia”.
E engaden: “expresámoslle tamén ao conselleiro o agradecemento polas axudas que periodicamente recibimos da Xunta así como o noso desexo de mantelas e no posible aumentalas nos vindeiros meses. As asociacións empresariais precisamos do apoio e da colaboración das administracións para seguir organizando actividades e facendo entrega de materiais gratuítos ás nosas asociadas e asociados”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
