“A inclusión no deporte e en todos os ámbitos da sociedade é unha prioridade para o Concello de Viveiro, polo que é unha honra para nós acoller a celebración deste evento tan importante”, sinala María Loureiro
Viveiro, 29 de abril de 2024. A alcaldesa de Viveiro, María Loureiro, anuncia que o Maratón Autonómico Urbano 2024 se celebrará o día 25 de maio no municipio. O evento convocará, entre participantes e organización, a unhas 350 persoas.
Este maratón está organizado por Special Olympics Galicia, promovido pola Asociación de Pais de Persoas Con Discapacidade Intelectual de Viveiro (ASPANANE), e coa colaboración da federación de asociacións a favor das persoas con discapacidade intelectual FADEMGA – Plena Inclusión Galicia, do Concello de Viveiro e da Deputación de Lugo.
O anuncio prodúcese logo dunha reunión que tivo lugar hoxe na Casa do Concello entre a alcaldesa, o xefe de Protección Civil local Manuel Expósito e máis varias persoas representantes da organización: a xerente de Aspanane, Elena Santos Cociña, a directora de Special Olympics Galicia, Eunice Mosquera, e o presidente desta mesma entidade Eladio Fernández Pérez.
María Loureiro sinalou que “a inclusión no deporte e en todos os ámbitos da sociedade é unha prioridade para o Concello de Viveiro, polo que é unha honra para nós acoller a celebración deste evento tan importante e necesario”.
No maratón haberá haberá catro carreiras diferentes coas seguintes distancias: 4000 metros, 1.500 metros, 800 metros e 300 metros. Todas as persoas participantes nas probas recibirán unha medalla como recoñecemento ao seu traballo e esforzo.
O evento ten como obxectivo ser unha competición igualitaria e normalizada, na que se reivindique que as persoas con dispacidade intelectual poden practicar deporte independentemente das súas capacidades. Busca, así mesmo, sensibilizar e concienciar á sociedade sobre esta cuestión.
A chegada dos participantes a Viveiro está prevista para as 10:30 do 25 de maio. Ás 10:45 terá lugar o acto de inauguración e o desfile dos e das deportistas. O maratón será de 12:00 a 14:00 horas, momento no que terá lugar a clausura do evento.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
