“As obrigas institucionais dos representantes políticos deben estar por riba dos seus prexuizos ideolóxicos”, afirma Mariña Gueimunde
Viveiro, 1 de abril de 2024. O PP de Viveiro amosa a súa indignación e lamenta a “descortesía e absoluto desprezo” de media parte do Goberno Municipal coa Semana Santa de Viveiro, ao non asistiren os concelleiros do BNG a ningún dos actos oficiais do Concello nunha das celebracións relixiosas máis antigas de Galicia.
A voceira do Partido máis votado nas eleccións municipais reproba a “desconsideración e desaire do Bloque Nacionalista Galego cun acontecemento relixioso e cultural que se ten convertido nun referente turístico internacional, no que se implica toda a cidadanía con moito esforzo e sacrificio para dar continuidade a unha tradición popular secular”. Neste senso, engade: “o Goberno Municipal de Viveiro ten tres membros do BNG que menosprezan este esforzo social, desentendéndose do seu papel institucional como representantes de todos os viveirenses e non só dos afiliados do seu partido”.
Mariña Gueimunde cree que “estamos ante un síntoma máis da situación de decadencia e degradación institucional pola que atravesa o Concello de Viveiro, cun goberno dividido, onde PSOE e BNG cada un vai ao seu, e falan sen pudor de concellerías dun partido ou doutro, desatendendo as urxencias do municipio que van moito máis aló dos seus intereses partidistas”. Así, suliña que “se cadra a Semana Santa e cousa só do PSOE, e aos prexuízos ideolóxicos do BNG impórtanlle pouco boicotear un dos acontecementos turísticos mais importantes do municipio cun indiscutible impacto económico e social, no que pola súa trascendencia, todos os membros dun goberno municipal deberían dar exemplo arrimando o hombro”, advirte.
A popular lémbralle así ao BNG que “Viveiro está a facer un esforzo importante pagando a súa dedicación exclusiva cando a sua formación non apareceu a ningún dos actos oficiais aos que nos convidaron dende o Concello. Quizais porque á tenencia da alcaldía interesáballe máis campar polo Concello posando para os medios xogando a ser alcaldesa por un día, mentras o pobo de Viveiro desfrutaba a Semana Maior coas súas familias e ofrecendo a súa mellor versión enmascarando así a mala imaxe, a nefasta xestión e o deterioro que está a sufrir a cidade por mor das súas políticas”.
Con todo, Mariña agradece á Xunta de Confrarías, á Xunta de Galicia, á Deputación de Lugo, ás forzas e corpos de Seguridade do Estado, a protección Civil, bombeiros, xornalistas, músicos e, por suposto, ao pobo de Viveiro a súa contribución e participación neste evento que “é un dos máis prestixiosos que temos”.
“FALTAS DE RESPECTO”
Para a popular tampouco pode pasar desapercibida “a falta de respecto” que supuxo non atender á subdelegada do Goberno ou aos conselleiros do Mar e de Cultura e Educación que participaron nos actos e departiron inquietudes, demandas e adquiriron compromisos para o Concello; ademais, “da visible fractura en dous gobernos que nin tan sequera traballan baixo o mesmo escudo, o escudo de Viveiro, do que nos sentimos francamente orgullosos”, conclúe.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
