O delegado do Goberno confía tamén na implicación da Xunta xa que, lembrou, “é a que ten a competencia en materia industrial”
A Coruña, 8 de abril de 2024. O delegado do Goberno en Galicia, Pedro Blanco, afirmou que o Goberno estará “vixiante” e que vai seguir “do lado dos traballadores” para que Alcoa atope “a mellor solución”, que pasa polo mantemento do emprego e a actividade industrial na Mariña. Así o manifestou nunha entrevista en Radio Galicia – Cadena SER na que confiou en contar coa implicación da Xunta nesta cuestión xa que, lembrou, “é a que ten a competencia en materia industrial na comunidade”.
Con todo, Pedro Blanco recoñeceu “unha grande decepción” coa compañía norteamericana do aluminio e confiou en que desta vez o anuncio de venda “non sexa unha estratexia”. “Non compartimos a análise da situación da empresa e a nosa posición foi clara e firme desde o principio: a empresa debe cumprir o acordo alcanzado cos traballadores para garantir o emprego e a actividade industrial”, abundou.
O delegado tamén lle puxo deberes ao novo posible propietario que, segundo dixo, debe ser “un comprador industrial, solvente, fiable e que aposte por manter a unidade de aluminio primario na Mariña”. Con todo, recoñeceu que se trata dun “escenario novo” no que o Goberno e o resto de actores implicados van explorar as posibles alternativas nun marco de total confidencialidade.
Altri
Tamén no eido industrial, o delegado do Goberno falou do proxecto de Altri en Palas de Rei, que está a ter unha forte contestación social, unha realidade que Pedro Blanco atribúe á “falta de transparencia da empresa” á hora de aclarar aspectos chaves do mesmo, como o impacto real na economía e no emprego. “Debe presentar un proxecto solvente, no que despexe calquera dúbida sobre a finalidade, os condicionantes ambientais, os recursos naturais e o seu impacto económico real, tanto de emprego como de investimento e retorno económico para a comarca e para Galicia”.
Esa mesma claridade pediuna tamén para a Xunta “ten que dicir se lle interesa a empresa, explicarnos como vai apoiala e se está disposta a poñer fondos propios. Tamén debe garantir o respecto ambiental da contorna e o uso de recursos naturais”, indicou.
Respecto á postura do Goberno, o delegado afirmou que os fondos do Plan de Recuperación están para apoiar o impulso industrial a Galicia e que Altri pode beneficiarse deles como calquera outra empresa. “Quero deixar claro que os requisitos son iguais para todos e igual de esixentes e rigorosos, por suposto sen cumprir as leis e a normativa non hai axudas para ninguén. Somos escrupulosos no cumprimento dos criterios ambientais e na análise da finalidade para a que as empresas piden financiamento”, apuntou.
Trens Avril
En materia de infraestruturas, o delegado foi preguntado pola chegada dos trens Avril a Galicia. Neste senso, pediu desculpas aos galegos e ás galegas e insistiu en que “en breve” será unha realidade velos circulando pola comunidade. “Non é problema de compromiso nin de orzamento, foi un problema da empresa, incapaz de cumprir o contrato e por iso reclamámoslle economicamente polo prexuízo causado”, aclarou.
Este mesmo venres, Renfe anunciaba que prevé iniciar a venda dos billetes para viaxar nestes trens entre Madrid e Galicia o vindeiro 18 de abril, mentres que as primeiras unidades comezarán a chegar a finais da semana que vén coa idea de que empecen a prestar servizos comerciais a máis tardar o 21 de maio.
Plan de Recuperación
Sobre a xestión dos fondos europeos, o delegado do Goberno informou de que Galicia “é a sexta comunidade máis beneficiada, con 3.800 millóns de euros dos que case á metade foron transferidos á Xunta”. Cartos que se traducen en máis de 700 convocatorias resoltas, o 71% e máis de 42.000 beneficiarios entre empresas, pemes, concellos, asociacións e particulares.
“Así, hoxe Galicia é unha terra de oportunidades para galegos e galegas, pero tamén para empresas que elixiron Galicia para establecerse e desenvolver proxectos empresariais, proxectos innovadores que garanten futuro”, sinalou.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
