A recollida de chaves está habilitada dende este luns 8 de abril e a instalación dos 9 colectores está prevista para o luns día 22
Vilalba, 9 de abril de 2024. O Concello de Vilalba vén de anunciar a posta en marcha dun proxecto piloto de recollida e reciclaxe da materia orgánica que comezará o vindeiro luns 22 de abril coa instalación de nove colectores marróns en diferentes rúas de Vilalba. Ditos colectores estarán adicados exclusivamente á recollida de materia orgánica e será necesario recoller previamente no Concello unha chave para poder depositar os residuos neles.
A instalación deses 9 colectores marróns realizarase o vindeiro luns 22 de abril e funcionará como un proxecto piloto a partir do cal se estudará a viabilidade de estender a recollida da materia orgánica en todo o casco urbano da vila, de tal forma que se promova a reciclaxe na cidadanía e Vilalba se converta nun concello comprometido co medioambiente.
Polo momento, como comezo da iniciativa, o Concello difundirá a información relativa á recollida da materia orgánica baixo a campaña “Vilalba orgánica” na que se repartirán trípticos informativos nos supermercados e centros educativos vilalbeses para que todas as persoas poidan coñecer os detalles e a información relativa ao funcionamento dos colectores marróns. Así mesmo, tamén a través das redes sociais o Concello de Vilalba facilitará información á veciñanza sobre o funcionamento da recollida da materia orgánica e colgará carteis informativos que tamén permitirán o acceso virtual aos trípticos informativos.
“O noso obxectivo é promover a reciclaxe dos residuos para contribuír ao coidado do medio ambiente e favorecer a separación da materia orgánica de forma que poida empregarse como fertilizante natural” explicou a alcaldesa de Vilalba, Marta Rouco, quen convidou a toda a cidadanía “a que se sumen a esta iniciativa pasando a recoller a chave dos colectores polo Concello, onde atenderemos todas aquelas dúbidas e preguntas que lle xurdan a este respecto”, sinalou Rouco.
Así pois, a partir do luns 8 de abril, todas as persoas interesadas en sumarse ao proxecto piloto da recollida da materia orgánica poden pasar pola Casa do Concello, concretamente polo punto de información da planta baixa, para recoller a chave (unha por domicilio) que dá acceso aos colectores marróns. Pois, ditos dispositivos precisan dunha chave para ser empregados e nos que é necesario depositar a materia, sempre, en bolsas compostables para que non se prexudique o proceso.
No relativo aos residuos, os colectores marróns admiten o depósito de restos de froita e verdura, restos de carne e pescado, cascas (de ovo, froitos secos, marisco,…), de comida cociñada ou caducada, de pan e bolería e de pousos de cafés e infusións. Ademais, tamén se poden depositar neles panos e papel con restos de comida ou aceite, restos vexetais, palillos, tapóns de cortiza, serrín e paus de xeado. Non obstante, nos colectores marróns non poden desbotarse residuos como as cápsulas de café, a area de mascotas ou excrementos, os téxtiles sanitarios, o aceite usado, os restos de varrido e pelo, as cabichas e a cinza ou os líquidos alimenticios, que deberán depositarse no colector verde de recollida de lixo doméstico e residuos non reciclables.
Pola súa banda, os colectores marróns instalaranse no número 82 da avenida da Terra Chá, á altura do cuartel da Garda Civil, no número 15 da avenida da Terra Chá, fronte á farmacia Marín y Marín, no número 33 da rúa de Galicia, fronte ao carón da Librería Andel, no número 11 da rúa de Galicia, fronte a asesoría Pablo Fernández, na Praza do Coronel Pena, no número 35 da rúa da Pravia, fronte a Calzados Prieto, no número 1 da rúa Campo de Puente, ao carón da Reloxería Rico, no número 24 da rúa Campo de Puente, fronte a Caracol Plus e no número 37 da rúa Plácido Peña, fronte ao supermercado Mercadona.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
