Ribadeo, 10 de maio de 2024. A Homenaxe ao Cantábrico, do Restaurante Marinero, foi elixida polo público como a mellor creación do pasado Ribadeo de Tapeo. No concurso gastronómico foron servidas máis de 24.000 tapas, segundo os datos dados a coñocer hoxe, venres, pola concelleira de Turismo e Comercio, Marta Saiz.
A edil ribadense dixo que “un dos concursos máis antigos da nosa comunidade puxo o broche final o pasado 28 de abril no que se declararon gañadores do xurado profesional as tapas dos establecementos Parador de Turismo, Ramonita e El Oviedo e unha mención especial á taberna Kalpa Amodiño. Quedaba pendente por coñecerse o premio do público. Para poder votar as persoas consumidoras tiñan que ter degustado como mínimo 5 tapas e podíase votar tanto a través dos cartóns selados como a través da aplicación”.
Saiz declarou que “unha vez recompilados todos os votos a tapa que recibiu un maior número foi a do establecemento restaurante Marinero pola súa creación Homenaxe ao Cantábrico”.
A concelleira de Turismo e Comercio manifestou: “desde o Concello felicitamos de novo aos establecementos gañadores e destacamos o traballo e esforzo realizado durante os días de celebración do evento no que se estima foron servidas máis de 24.000 tapas. Trátase dun novo éxito para este concurso gastronómico tan lonxevo”.
E engadiu que “a entrega de premios aos establecementos gañadores levárase a cabo do día 21 de maio ás 17.00 horas no salón de plenos do Concello de Ribadeo, onde tamén se desenvolverá a entrega de premios aos que optan as persoas consumidoras”.
Parabéns de Acisa
A Asociación de Comerciantes, Industriais, Servizos e Autónomos (ACISA) de Ribadeo felicita ao restaurante Marinero tras ser elixida a súa tapa como a mellor do Ribadeo de Tapeo 2024 por parte do público.
Desde a directiva de Acisa “felicitamos al restaurante Marinero por este reconocimiento que le otorga el público del Ribadeo de Tapeo. Es un premio al trabajo bien hecho”. Y recuerdan que “su Homenaxe ao Cantábrico fue una de las tapas finalistas para el jurado profesional. Recordamos que de las diez finalistas ocho fueron presentadas por locales asociados a Acisa Ribadeo”.
Acisa reitera os parabéns “a todos los premiados en el Ribadeo de Tapeo 2024, organizado por el Concello, en especial a nuestros asociados. Las tapas del Parador de Turismo fueron elegidas por un jurado profesional como las mejores de esta edición, tanto en la versión dulce como en la salada. El segundo premio fue para otro establecimiento miembro de Acisa, Ramonita; y además recibió una mención especial Kalpa Amodiño, también asociado nuestro. Felicidades a todos y les animamos a seguir trabajando en esa línea”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
