O delegado territorial, Javier Arias, sinala que as achegas avanzan na sustentabilidade e calidade do sector, mellorando o aforro e o confort
Sarria, 14 de maio de 2024. A Xunta de Galicia destinou en Lugo 641.000 euros a 11 proxectos de mellora da eficiencia enerxética en establecementos turísticos, no marco da convocatoria de axudas de eficiencia enerxética posta en marcha por Turismo de Galicia con fondos Next Generation.
O delegado territorial, Javier Arias, visitou hoxe en Sarria un dos hoteis beneficiarios da convocatoria, onde sinalou que estas achegas serven para avanzar na sustentabilidade e a calidade do sector turístico galego, reportando maior aforro para os empresarios e confort para os usuarios e reducindo as emisións contaminantes á atmosfera.
Tamén se financiaron obras e medidas correctoras do consumo enerxético en hoteis, casas rurais e apartamentos turísticos dos municipios de Folgoso do Courel, A Fonsagrada, Cervo, Portomarín, Ribadeo e Navia de Suarna.
As actuacións subvencionables consisten na mellora da envolvente térmica, utilización de enerxías renovables ou cambios no sistema de iluminación, cun custe elixible mínimo do proxecto de 5.000 euros. Polo tanto, incluíronse o illamento de muros de fachada e cubertas, a substitución de vidros e carpintarías, ou a instalación de enerxía xeotérmica, térmica e biomasa, entre outras.
En cada caso, as medidas adoptadas alcanzaron unha redución do consumo de enerxía primaria non renovable de mínimo un 30% respecto á situación de partida.
Rede pública de albergues
Javier Arias lembrou que Turismo de Galicia tamén afondará este ano na mellora da eficiencia enerxética da rede pública de albergues do Camiño de Santiago, cun investimento de máis de 1 millón de euros dentro do Plan de Albergues.
Ademais das intervencións habituais en illamento, iluminación ou calefacción, focalizarase de maneira especial na instalación de paneis fotovoltaicos onde sexa posible.
Na provincia de Lugo actuarase en 11 do Camiño Francés: o de O Cebreiro e Hospital da Condesa, ambos en Pedrafita do Cebreiro; o de Triacastela; a Casa Forte de Lusío, en Samos; o de Calvor, Sarria e Barbadelo, todos en Sarria; o de Ferreiros en Paradela; Airexe-Ligonde en Monterroso, e o de Os Chacotes e Mato Casanova en Palas de Rei. Haberá tamén actuacións en dous albergues do Camiño do Norte (o de Vilaba e o de A Cabana, en Friol), así como en un do Camiño Primitivo (Seixas, en Palas de Rei).
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
