O evento, organizado pola CIG Ensino en colaboración co Concello, está dirixido ao alumnado dos centros educativos na Mariña e ten como obxectivo a reivindicación da lingua galega entre a rapazada
Burela, 22 de maio de 2024. O Concello de Burela acollerá unha nova edición do Correlingua, un evento que se celebra cada ano en varios concellos galegos para reivindicar a lingua galega coa participación da rapazada dos centros educativos.
O Correlingua 2024 en Burela comezará ás 10:20 do mércores 29 de maio na praza da Mariña. Ás 10:45 sairá a marcha co alumnado de primaria e secundaria, que percorrerá a vila ata volver de novo á mesma praza.
Para dar a saída da andaina, nomearase aos diferentes centros de ensino que participarán na mesma. A faixa desta edición será portada por alumnado dos centros de Burela, que encabezarán a marcha.
O concelleiro de Mocidade e Educación, Mario Pillado, sinala que para o Concello de Burela “é unha honra recibir unha iniciativa tan bonita coma o Correlingua”.
“Dende a área de Educación temos a nosa lingua como un dos nosos eixos centrais de actuación, e queremos que o mércores 29, no medio das festas de Burela, as nosas rúas se enchan de mocidade espallando orgullosa o noso idioma, que sexa tamén a festa do galego”, sinala o edil.
“Temos un grado moi alto de participación neste evento, con máis de 1.700 estudantes de moitos centros de ensino da Mariña, sendo un dos puntos onde se celebra o Correlingua con maior participación”, destaca Pillado.
O Correlingua é unha actividade organizada pola CIG Ensino para os centros educativos, e este ano conta coa colaboración co Concello de Burela. Trátase unha proposta de carácter lúdico, educativo e reivindicativo que convida a mocidade e os centros a participar nun acto público de reivindicación do galego.
A presentación correrá a cargo de Fran Rei, e ás 11:45 terá lugar á lectura do Manifesto do Correlingua 2024 por parte de alumnado do IES de Foz, que participou na súa elaboración.
O evento contará coas actuacións de dous dos artistas gañadores do concurso de música Cantalingua. O alumnado de infantil poderá escoitar a Paco Nogueiras, mentres que o alumnado de primaria e secundaria rematará a xornada reivindicativa coa actuación de Cuarta Xusta.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
