O xogador do RC Deportivo da Coruña achegouse ata a Casa do Concello de Vilalba para ser recibido pola rexedora vilalbesa, Marta Rouco, e a Concelleira de Deportes, Paula Vigo
Vilalba, 15 de maio de 2024. O Concello de Vilalba está de celebración polo recente logro dun dos deportistas máis destacados do municipio, Diego Villares, centrocampista do Real Club Deportivo da Coruña, que vén de ascender á Segunda División da Liga Española de fútbol.
E para transmitirlle a admiración e orgullo de todos os vilalbeses e vilalbeses a Villares, a alcaldesa, Marta Rouco, e a Concelleira de Deportes, Paula Vigo, recibírono na tarde de hoxe na Casa do Concello para felicitalo polo seu recente logro e animalo a seguir acadando as súas metas e desexos.
Ademais, Villares achegouse ata a Casa do Concello de Vilalba acompañado pola súa familia e amigos, creándose un ambiente de humildade e fraternidade entre todos os presentes e amosando, unha vez máis, o sentimento de pobo dos vilalbeses e vilalbesas.
“É un orgullo que calquera vilalbés ou vilalbesa chegue lonxe e cumpra os seus soños. Neste caso, como non podía ser doutra forma, estamos especialmente felices e orgullosos do logro de Villares, un rapaz formado nas bases do equipo do pobo” sinalou a alcaldesa, Marta Rouco, quen ademais salientou “a humildade e a amabilidade de Villares, que a pesares dos seus logros mantén os pés no chan e segue sentíndose un vilalbés máis”.
Así mesmo, a Concelleira de Deportes, Paula Vigo, aproveitou a visita de Diego Villares para felicitalo polo ascenso e “darlle ánimos para a seguinte tempada, pensando xa nun novo obxectivo e nunha nova meta que cumprir, porque estamos seguros de que chegará onde se propoña”.
TRAXECTORIA FUTBOLÍSTICA
Diego Villares, nado no ano 1996 na parroquia de Samarugo, en Vilalba, comezou a súa andaina futbolística nas bases do Rácing Club Vilalbés, onde desenvolvería toda a súa traxectoria ata a tempada 2013-2014, na que con tan só 17 anos disputou o seu primeiro partido co equipo sénior do Rácing Club Vilalbés na Terceira División.
Os seus pasos no mundo do fútbol continuarían logo no equipo sénior do Vilalbés, do que formou parte ata o ano 2018, sendo entón cando o Real Club Deportivo da Coruña fichou a Villares para o cadro de xogadores do seu equipo filial, o Real Club Deportivo da Coruña Fabril. A pesares desa fichaxe, o ‘pulpo’ Villares volveu a Vilalba grazas a unha cesión concedida ao Rácing Club Vilalbés, do cal se despediría definitivamente no ano 2020.
Xa na tempada 2019/2020, Villares converteuse nun home imprescindible para o Real Club Deportivo da Coruña Fabril, sendo un dos xogadores máis utilizados no filial deportivista durante as súas dúas campañas completas no mesmo.
Finalmente, o salto do de Samarugo ao primeiro equipo do RC Deportivo chegaría no ano 2021, concretamente o 7 de febreiro, momento dende o cal se converteu no centrocampista imprescindible do equipo branquiazul, sumando 9 goles e máis de 8.000 minutos disputados no Grupo 1 da Primeira RFEF.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
