Ribadeo, 7 de maio, 2024. O BNG presenta unha moción ao pleno na que insta ao Concello de Ribadeo a crear un parque canino dentro do espazo urbano. “É unha medida que levábamos no noso programa electoral e, tamén desde a oposición, queremos ser propositivos e prácticos para as veciñas e veciños de Ribadeo. Despois desta primeira proposta seguiremos presentando medidas e iniciativas ao longo do mandato. Intentaremos chegar a acordos co resto dos partidos que conforman a corporación para conseguir sacalas adiante”, segundo indicou o concelleiro Martín Graña.
En canto a esta proposta Martín Graña tamén explicou que “os cans son sentidos como membros das familias e forman parte do noso día a día desde hai moito tempo. Nos últimos anos consolidouse a tendencia a convivir con mascotas nos ámbitos urbanos. Esta convivencia pode chegar a provocar molestias para as persoas en xeral e para os propios donos das mascotas en particular no momento en que hai que sacalas á rúa para que paseen e fagan as súas necesidades. Esta problemática non é nova, e nos últimos anos lexislouse para asegurar o mantemento da hixiene e seguridade na vía pública e traballar na concienciación cidadá.
Unha vez asegurado o respecto ás normas de hixiene e seguridade, e tendo en conta os avances en recoñecemento e coidado aos animais dos últimos anos, o seguinte paso é dotar as vilas e cidades de lugares de lecer acoutados, acondicionados e amplos para que os cans poidan xogar e correr libremente sen ter que saír do casco urbano.
Un parque canino é un espazo público no que os cans poden cubrir determinadas necesidades como socializar, realizar exercicio, pasear sen correa, etc. Todo iso nunhas boas condicións de salubridade e seguridade, tanto para os animais como para as persoas que os acompañan.”
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
