O acto contou coa intervención da alcaldesa, Marta Rouco e o presidente do Vilalba FS, Álvaro Fraga, para finalmente concluír coa saída das xogadoras ao balcón da Casa Consistorial
Vilalba, 19 de maio de 2024. O Concello de Vilalba volve estar de celebración e esta vez as protagonistas son as xogadoras do equipo sénior feminino do Vilalba Fútbol Sala, que veñen de converterse no día de onte en campioas da Liga Preferente Feminina, o que as leva a debutar a vindeira tempada na Segunda División Nacional do fútbol sala feminino.
Un ascenso histórico co que o Concello de Vilalba quixo ter o correspondente recoñecemento, polo que convocou ao equipo, ás familias e a todas as vilalbesas e vilalbeses a celebrar o ascenso das xogadoras na mañá de hoxe na Casa do Concello.
Así, as protagonistas do ascenso, acompañadas polo equipo técnico do Vilalba FS, a directiva, as familias e os afeccionados, foron recibidas na mañá de hoxe no Concello de Vilalba, onde ademais da alcaldesa, Marta Rouco, e a Concelleira de Deportes, Paula Vigo, tamén estiveron presentes representantes das catro forzas políticas que conforman a corporación municipal na actualidade.
Durante o acto, que se desenvolveu no Salón de Plenos da Casa Consistorial, a alcaldesa, Marta Rouco, agradeceu ás xogadoras “o voso esforzo e dedicación para chegar ata aquí” e aproveitou para “animarvos a que sigades loitando polos vosos soños e rompendo barreiras como fixestes ata agora”.
Así mesmo, a rexedora vilalbesa salientou “a figura de exemplo que representades para as novas xeracións vilalbesas e para todos os nenos e nenas que agora mesmo se atopan nas bases do equipo de fútbol sala”, facendo fincapé ademais “na importancia de apoiar o deporte e de apoiar o deporte feminino”.
Pola súa banda, tamén o edil popular e presidente do Vilalba FS, Álvaro Fraga, aproveitou para felicitar ás súas xogadoras, recoñecer o seu éxito e facer honra ao seu hastag “#Vilalbaquerefutsal”.
Finalmente, o Concello agasallou ao Vilalba FS cunha figura de Sargadelos para conmemorar o seu éxito, e á súa vez a rexedora recibiu por parte do equipo de fútbol sala unha camiseta da segunda equipación e unha bufanda para seguir dando folgos ao equipo vilalbés.
E para concluír o acto, as xogadoras e o equipo técnico do Vilalba FS saíron ao balcón da Casa do Concello para celebrar o seu ascenso e amosar a copa que representa o seu logro ás familias e afeccionados que se achegaron ata á Praza da Constitución, onde, unha vez rematado o acto oficial, continuou a festa cunha sesión vermú para celebrar este gran fito do fútbol sala feminino vilalbés.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
