Un dominante Pescados Rubén lévase outros tres puntos nesta recta final da competición, con hat-trick de Antía Pérez e a pesar das tres baixas importantes
Burela, 11 de maio, 2024. Ás 10.00h desta mañá, no pavillón municipal Vista Alegre, de Burela, disputábase o partido da xornada 28 de Primeira División Iberdrola, Pescados Rubén Burela FS – MRB Móstoles FSF, cun resultado final 6-4. Un partido con máis afección da esperada tendo en conta o horario, imposto polas audiencias ao ser emitido por teledeporte. Encontro dominado polo Burela durante os 40 minutos, con poucas ocasións e moitos goles.
Comeza o partido con bo xogo de balón nos primeiros minutos por parte de ambos conxuntos, nótanse as horas temperás e o encontro vaise quentando a medida que pasa o tempo. Sen grandes oportunidades ata o minuto 7 no que Antía Pérez anota o primeiro nun rexeite tras un disparo de Cilene que detén Pitu. Continúa dominando o xogo de balón, e no minuto 13 Antía Pérez tira ao pau e segundos despois, tras o saque de esquina, a xogadora viguesa volve tentalo cun disparo que detén Pitu pero Irene Samper aproveita o rexeite e consegue o 2-0. No minuto 16 Patricia anota o 3-0 axustando ben o disparo desde a banda ante a saída da porteira do conxunto Madrileño. No último minuto a sexta falta para o Móstoles provoca un tiro de dobre penalti que lanza Antía Pérez e métea cun disparo raso. Chega e descanso 4-0 no marcador.
Na segunda parte continúa o dominio do Burela pero con poucas ocasións en ambas as porterías. Sae Ester no minuto 27, porteira xuvenil da base do CD Burela FS. Paradón de Ester nun man a man ante Alicia Benete no minuto 31 e no mesmo minuto o conxunto madrileño comete a 5ª falta. No 33 chega o quinto gol do equipo local cun sombreiro de Patricia a Ari marcando a pracer. Comezan a apertar as de Patri Chamorro con xogo de 5 con Patry de porteira-xogadora e chega o gol no minuto 35, un golazo a distancia pola escuadra de Alicia Benete. No minuto 36 dobre penalti para o Burela tras a sexta falta do conxunto local, lanza Antía Pérez pero Ari desvíaa á banda cunha boísima parada co pé. No 38 Inma cóalla a Ester conseguindo o 5-2 cun disparo de Inma tras unha diagonal presionando con porteira-xogadora. Pero no minuto 39 unha enchufadísima Antía Pérez mete o terceiro cun lanzamento longo a portería baleira. No minuto 40 Inma consegue o terceiro cun lanzamento desde fóra da área e a 8 décimas da bucina Patry mete o cuarto pola escuadra.
Ficha Técnica Pescados Rubén Burela FS 6-4 MRB Móstoles FSF
Pescados Rubén Burela FS (6): Ana Eliza; Dany, Irene Samper, Rafinha, Noelia Montoro – cinco inicial-, Antía Pérez, Patricia, Cilene, Cris Blanco, Ester. Entrenador: Julio Delgado.
MRB Móstoles FSF (4): Pitu; Patry, Inma, Claudia, Clau -cinco inicial-, Rivera, Benete, Celia, Silvia Carral, Ari. Entrenadora: Patri Chamorro.
Goles: 1-0, min.7: Antía Pérez. 2-0, min.13: Irene Samper. 3-0, min.16: Patricia. 4-0, min.20: Antía Pérez. 5-0, min.33: Patricia. 5-1, min.35: Alicia Benete. 5-2, min.38: Inma. 6-2, min.39: Antía Pérez. 6-3, min.40: Inma. 6-4, min.40: Patry.
Árbitros: Mayra Camila Araujo, Javier Menéndez Mistal, David Kumor Otero, Héctor Pérez Álvarez.
TA: Celia, Benete, Inma.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
