Tamén se reparou o espigón da praia da Marosa en colaboración coa Dirección Xeral da Costa e o Mar do Goberno de España
Burela, 9 de maio de 2024. O Concello de Burela está a realizar a reparación dos paseos marítimos do municipio, que sufriron desperfectos logo dos últimos temporais, de cara á época estival.
“No paseo do Cantiño xa se actuou, está totalmente reparado, e actualmente estase actuando no paseo da Marosa”, explica o concelleiro de Obras, Ramiro Fernández Rey.
O edil afirma que para o Goberno local “é unha prioridade o mantemento dos paseos marítimos, coa fin de telos no mellor estado posible de cara ó verán, reparando os tramos deteriorados polos temporais”.
Ademais, tamén se realizarón obras de reparación no espigón da praia da Marosa, en colaboración coa Dirección Xeral da Costa e o Mar do Goberno de España.
“Costas colabora unha vez máis co Concello na reparación do espigón, xa que todos os anos este sofre as inclemencias meteorolóxicas”, sinala Fernández Rey. “A colaboración co Estado neste eido é total”, engade.
Ademais disto, o Concello xa ten adxudicado o servizo de desbroce de camiños e de pistas e está preparando xa o acondicionamento de todas as praias para o verán. A previsión é que neste mes comecen os traballos nas praias e se organice o servizo de limpeza das mesmas.
“O Concello móvese para que Burela estea no mellor estado posible tanto para a veciñanza como para a xente que nos visite en verán, que agardamos que sexa moita”, subliña Fernández Rey.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
