A Mariña, 22 de maio de 2024. Os días 1 e 2 de xuño a Mancomunidade de Concellos organiza ao abeiro do Programa de Xeoturismo no contexto do Plan de Sostibilidade Turística o Xeo finde na Mariña, que contará cunha serie de actividades únicas onde os participantes explorarán a xeoloxía dunha maneira innovadora e emocionante.
A presidenta da Mancomunidade, Rocío López, explicou que “este evento ofrecerá a nenos e adultos a oportunidade de mergullarse no apaixonante mundo dos minerais e descubrir os segredos da terra baixo os nosos pés”. E animou ás familias a inscribirse “para vivir esta orixinal e única experiencia”.
O 1 de xuño terá lugar unha Xeoruta por San Cibrao. Iván Rodríguez levará aos asistentes a gozar dunha exploración da orixe do granito, un material que foi utilizado durante séculos na construción de vivendas e monumentos. Durante esta ruta de tres horas, os participantes visitarán canteiras históricas e aprenderán sobre a singular morfoloxía costeira da rexión. A actividade dará comezo ás 10:00 da mañá, no punto de encontro na Área de Autocaravanas. O aforo está limitado a 20 persoas.
Tamén o 1 de xuño pola tarde en colaboración co xeólogo Fran Canosa, levarase a cabo un emocionante taller de minerais para o público máis mozo. Durante este obradoiro interactivo dunha hora e media, os nenos e nenas terán a oportunidade de explorar unha ampla colección de minerais e aprender sobre as súas propiedades físicas. Desde a cor e o brillo ata a fluorescencia na escuridade baixo luz ultravioleta, os nenos/as poderán mergullarse nunha viaxe educativa e visualmente cativadora.
A actividade terá lugar de 18:00 a 19:30 horas, cun aforo limitado a 20 nenos/as no Auditorio da Casa da Cultura de San Cibrao (Cervo).
E xa o 2 de xuño desenvolverase a Xeoruta do Sor. A Mancomunidade e o xeólogo Fran Canosa propoñen unha apaixonante saída xeolóxica polo val do río Sor. Durante esta actividade de tres horas os participantes descubrirán o fascinante pasado volcánico da rexión, así como a orixe do coltán, un mineral crucial no mundo tecnolóxico.
A ruta terá lugar o domingo 2 de xuño, de 10:30 a 13:30 horas. O punto de encontro será Ponte Segade e o aforo está limitado tamén a 20 persoas.
Desde a Mancomunidade lembran que para este sábado, 25 de maio, está programada a Xeoruta do Cerrochán, na parroquia de Vilapena, para a que aínda quedan prazas. Iniciarase ás 10 horas e levará aos participantes ata o Alto de Cerrochán, en Trabada. A visita permitiralles coñecer e entender tanto aspectos xeolóxicos coma da paisaxe do lugar e desfrutar dunhas impresionantes vistas dende o cumio. A actividade estará guiada por Iván Rodríguez Lombardero.
As persoas interesadas en obter máis información ou para inscribirse en todas estas actividades poden facelo a través do apartado de Xeoturismo da web: https://amarinalucense.gal/es/geoturismo
O programa de Xeoturismo enmárcase no Plan de Sostibilidade Turística 2022-2024, que está cofinanciado pola Mancomunidade, a Xunta de Galicia e a Secretaría de Estado de Turismo.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
