Neste encontro, a institución provincial renovou a colaboración mediante o cal a institución provincial realiza unha achega económica de 12.000 euros para contribuír ao desenvolvemento obradoiros de prevención
Lugo, 20 de xuño de 2024. A Deputada de Economía, Recadación, Facenda e Especial de Contas, Carmela López Moreno, visitou este xoves a sede de AFA Viveiro (Asociación de Familiares de Enfermos de Alzhéimer e Outras Demencias) para coñecer, de primeira man, a atención profesional que reciben os case 50 usuarios que atenden na comarca mariñá. Neste encontro, no que tamén participaron o presidente da Asociación, José Amador Fernández Pérez, a coordinadora do Centro, Ana Solloso, así como outros membros da xunta directiva, renovouse o compromiso da institución provincial con esta entidade, á que destina unha achega económica de 12.000 euros.
López Moreno aproveitou este encontro para coñecer as obras que está realizando a asociación e que lles permitirá centralizar todos os servizos que prestan nun mesmo lugar. Ademais, a Deputada puxo en valor o traballo que desenvolve este colectivo que “leva case 20 anos mellorando a calidade de vida dos seus usuarios, e por suposto, das súas familias”.
Nesta liña, Carmela López destacou a colaboración que mantén a institución provincial con AFA Viveiro “para desenvolver unha serie de obradoiros de prevención dirixidos a persoas sas ou que presentan un deterioro cognitivo leve. Grazas a esta achega, a entidade atende a 15 usuarios no concello de Viveiro e 13 no Vicedo que participan nestas actividades”.
As actuacións que se enmarcan nesta convenio van dirixidas a manter a capacidade funcional e preservar a autonomía das persoas que presentan unha perda de memoria asociada á idade. Neste senso, os participantes realizan diversos exercicios prácticos, como cálculos mentais, narracións ou actividades de fluidez verbal, entre outros, co fin de que poidan aplicalos no seu día a día e manter o maior tempo posible a súa independencia e validez.
AFA VIVEIRO
A Asociación de Familiares de persoas con Alzhéimer e outras Demencias de Viveiro nace no 2005 co fin de mellorar a calidade de vida das persoas que padecen esta enfermidade, así como outras demencias neurodexenerativas. A estimulación terapéutica, o programa de estimulación no fogar, a atención psicolóxica ou o asesoramento e a orientación ás familias, son algúns dos servizos que ofrece.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
