O Deputado de Recursos Sostibles, Francisco Casjoto, participou este mércores no CENIMA de Foz neste foro que abordou os modelos de organización pública e privada nos destinos turísticos
Lugo, 5 de xuño de 2024. O Deputado de Recursos Sostibles, Francisco Cajoto Caserío, asistiu este mércores no Centro de Interpretación da Mariña (CENIMA), en Foz, á Xornada sobre Asociacionismo e gobernanza en turismo. Mesa de calidade SICTEC (Sistema Integral de Calidade Turística en Destino) que organizou a Mancomunidade de Concellos da Mariña.
Cajoto Caserío puxo en valor o labor que desenvolve esta administración de carácter supramunicipal integrada polos 16 concellos desta comarca e destacou o modelo turístico que desenvolve a Deputación de Lugo, “de calidade, sostible, non masificado e desestacionalizado, en sintonía cos concellos e coa comarca da Mariña”. Así mesmo, lembrou a constante colaboración que mantén a institución provincial coa Mancomunidade, tanto en accións concretas como co Plan de Sostibilidade Turística que o Goberno do Estado lle concedeu á Mancomunidade. “Un Plan moi interesante, a través do que se poden desenvolver grandes iniciativas e tecer liñas de traballo do sector de cara o futuro”, resaltou.
O obxectivo deste encontro foi poñer de manifesto os distintos modelos de organización e colaboración pública e privada nos destinos turísticos. Tras a creación do Grupo de mellora SICTED sobre Fórmulas organizativas e modelos de gobernanza en turismo, o pasado 6 de novembro de 2023, este colectivo continúa a dar pasos de cara a estruturar algunha fórmula asociativa a nivel privado neste ámbito, unha cuestión que xa se puxo de manifesto noutros foros do SICTED.
Tras o acto de benvida e presentación da Mancomunidade de Concellos da Mariña Lucense, a xerente do Plan de Sostibilidade Turística desta comarca, Tania Hermida, realizou a presentación do destino A Mariña e a Mancomunidade como entidade de xestión turística no territorio. Logo tivo lugar unha mesa redonda, moderada por Iñaki Gaztelumendi, sobre as diferentes fórmulas de xestión e colaboración público e privada dos destinos da Costa da Morte, a Ribeira Sacra e Xixón.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
