Ribadeo, 21 de xuño, 2024. Alumnos e alumnas do IES de Ribadeo Dionisio Gamallo, acompañados por Roberto Rodríguez e Susi Besteiro visitaron no Forte de San Damián, a exposición “Unha viaxe no tempo a través da Arte” de Eduardo Rodríguez Osorio.
Ana Carballo, comisaria da exposición, foi descubrindo con gran habilidade a figura deste formidable escultor. Naceu en Chantada en 1920 nunha familia de once irmáns. Todos traballaban no taller familiar de carpinteiros e ebanistas pero Eduardo Rodríguez Osorio tiña tal facilidade par tallar e modelar que decidiron mandalo estudiar a Santiago á Escuela de Artes y Oficios. Da capital de Galicia marchou a Madrid, pensionado pola Deputación de Lugo e cursou estudos na Escuela Superior de Bellas Artes de San Fernando. Xa licenciado, foi seleccionado para ir becado a Sevilla co fin de estudiar imaxinería relixiosa na Escuela Superior de Bellas Artes de Sta Isabel de Hungría e no ano 1952 a Deputación de Lugo concédelle novamente unha subvención extraordinaria para completar estudos en París e países de Europa Central onde tivo a oportunidade de aprender de grandes maestros coma Rodin e Bourdelle.
No ano 1955, chega como profesor de debuxo ó recén inaugurado Instituto Laboral de Ribadeo onde estivo ata 1963. Ribadeo foi moi importante na súa vida e obra. Por un lado, fixo amizade con grandes figuras da época como Dionisio Gamallo Fierros, que hoxe lle dá nome ó centro, Amando Suárez Couto, ou Daniel Cortezón facéndolles bustos que poden observarse na exposición. Pero ademáis foi unha época tan prolífica que non só modelou impresionantes retratos dos amigos senón de outros moitos ilustres personaxes e monumentos que están repartidos pola xeografía española.
Tamén se inspirou para moitas obras na cultura galega e na representación de animais. Pero cabe destacar as obras inspiradas na muller-nai, feitas cunha sensibilidade tal que aínda sen rostro están cargadas de sentimento.
En definitiva, “quedamos abraiados ó descubrir unha pequena parte da obra deste grande escultor e seguro que a partir de agora vemos con outros ollos o busto de Carlos María Rodríguez de Valcárcel, obra de Osorio que preside o hall do instituto, ou o busto de El Viejo Pancho que nos saluda cada vez que imos á biblioteca municipal e que Osorio fixo para a súa inauguración en 1957”, sinalan desde o IES.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
