O PSOE perde a metade do seu apoio máis de 30.000 votos na provincia de Lugo e o BNG, máis de 1.800
Luns, 10 de xuño de 2024. “O resultado na provincia de Lugo das eleccións europeas celebradas este 9 de xuño son o principio do fin dos pactos de perdedores de PSOE e BNG na nosa provincia”, segundo o portavoz do Grupo Provincial Popular, Antonio Ameijide.
Á vista dos resultados destes comicios que “castigan a Tomé, PSOE e BNG”, o popular entende que “os lucenses están fartos do seu totalitarismo, autoritarismo e caciquismo na nosa provincia”.
Ameijide subliña que Lugo é a segunda provincia con maior apoio en España ao Partido Popular (49,91%) que logrou a vitoria en 64 dos 67 concellos (o 95,52% do total).
Fronte a este destacado apoio ao PP que sube 14,60 puntos porcentuais con respecto ás anteriores europeas do 2019, o PSOE baixa case 9 puntos porcentuais ao perder máis de 30.000 votos, a metade do seu apoio. O BNG tamén perde máis de 1.800.
En Monforte, José Tomé (PSOE) perde 1.810 votos, o que supón un descenso do 47% con respecto ao 2019.
E, en Sarria, Efrén Castro (BNG) perde 200 votos, vendo reducido o apoio ao seu partido nun 20% con respecto ás anteriores europeas.
“Se tivesen un mínimo sentido de autocrítica e realismo PSOE e BNG deberían reaccionar e ver que a provincia está censurando a diario a súa forma de gobernar, os lucenses danlles totalmente as costas. Non os apoian onde gobernan ou onde son orixinarios e tampouco os queren no resto da provincia”, conclúe.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
