A rexedora, Dolores García Caramés, e a edil de Medio Ambiente, Mali Méndez, mantiveron un encontro con eles para avaliar a experiencia e desexarlles sorte e éxitos no seu futuro
Cervo, 20 de xuño de 2024. A rexedora, Dolores García Caramés, e a concelleira de Medio Ambiente, Mali Méndez, mantiveron un encontro con Sara Fernández, Bruno Lopes, Diego Ricardo, Miguel Rodríguez e Bruno Fernández, alumnado de FP que estivo realizando prácticas durante estes meses en diferentes departamentos do Concello, en función da súa formación, desde ciclo de Formación Profesional ata Formación Dual, que combina a formación teórica e práctica recibida nun centro educativo coa actividade nun centro de traballo, recibindo unha remuneración.
O encontro serviu tamén para avaliar a experiencia que todos cualificaron como “moi proveitosa” e tamén para poñer en valor a colaboración existente entre a comunidade educativa e a administración local “sempre abertos e dispoñibles para acoller a todo o alumnado que desexe esa primeira toma de contacto coa súa administración máis próxima”; unha oportunidade que tamén lles podemos brindar –engadiu a alcaldesa- “grazas á forte aposta que facemos pola xestión directa dos servizos municipais que lles permite aos estudantes optar por un abano máis amplo de posibilidades á hora de realizar as súas prácticas”.
Neste senso, a alcaldesa quixo recordar o convenio que ten o Concello de Cervo coa Universidade a través das bolsas de formación remuneradas que desde o ano 2013 que decidimos poñer en marcha esta iniciativa “xa aproveitaron máis de cen mozos e mozas, que recibiron formación práctica remunerada nos diferentes departamentos da administración”, como son a sección de informática, intervención, tesourería, contabilidade, secretaría, medio ambiente, turismo, educación para a saúde, servizos sociais, policía local, no departamento de persoal, na Escola Infantil ou no departamento de obras, entre outras.
Ofrecémoslles así aos rapaces unha primeira oportunidade nunha contorna laboral real –apuntou- e, ao tempo que completan a súa formación, eles tamén nos brindan un importante reforzo en moitos dos departamentos do Concello, “contribuíndo así tamén a mellorar a calidade dos servizos que prestamos aos nosos veciños polo que entendemos, e así lle lo transmitimos tamén a eles, que a súa aportación está a ser fundamental”
A alcaldesa e a concelleira agradecéronlle a estes mozos que estiveron estes meses no Concello a súa implicación e compromiso nas tarefas que realizaron para completar a súa formación –nos departamentos de Medio Ambiente, Obras e a oficina técnica- “agardando que a experiencia resultase moi positiva para contribuír tamén a abrirse camiño nun mercado laboral cada vez máis competitivo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
