Foz, 21 de xuño de 2024. Onte, xoves, o Concello de Foz fixo entrega dos premios do Certame de Narración e Debuxo Infantil das Letras Galegas aos alumnos participantes do colexio Número 1 de Foz. Os doutros centros recibiranos nos próximos días.
A concelleira de Cultura, Inés López Couto, quere “agradecer aos centros participantes, o Número 1 e o Colexio do Pilar, ademais dos nenos que concursaron por libre, a implicación e as ganas que demostraron nas súas obras. É moi importante para nós a implicación dos mestres e os centros para que estes certames teñan unha representación real do alumnado de Foz”.
Os premiados no apartado de debuxo foron: na categoría de ata 8 anos, Aldara Sánchez Rodriguez (Nº 1), Martina Pardo Vázquez (Pilar) e Paula Posada Fernández (Pilar); na categoría de 9 a 11 anos, Sara Rodríguez Martínez (Pilar), Elisa Pernas Suárez (Pilar) e Luis Goás Fernández (Pilar); na categoría de 12 a 16 anos, Carla Iravedra García (Pilar), Valería Montoya López (Pilar) e Elena Castro Sanjurjo (Pilar).
Os premios en narración foron: na categoría de ata 8 anos, Roma Valhermoso Ramírez (Nº 1), Didac García Díaz (Nº 1) e Aldara Sánchez Rodríguez (Nº 1); na categoría de 9 a 11 anos, Mía Santos Seijo (Cantel); e na categoría de 12 a 16 anos, Carla Iravedra García (Pilar).
A concelleira de Cultura e a técnico de biblioteca, Marta Carrera, achegáronse ata o colexio Número 1 a felicitar ás nenas e nenos. “É moi bonito ver que están moi contentos en participar e fixeron un traballo excelente todos”, explica Inés López. No certame provincial as obras dos participantes de Foz recibiron dous premios.
A partir do 1 de xullo a biblioteca municipal Salgado Toimil modifica o seu horario polo verán, quedando de 8.30 a 14.00 horas de luns a venres, ata o vindeiro 15 de setembro.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
