Foz, 7 de xuño de 2024. O alcalde de Foz, Fran Cajoto, vén de solicitar unha reunión a Fabiola Garcia, conselleira de Política Social e presidenta do Consorcio Galego de Igualdade e Benestar. “A xestión do servizo e o benestar de todos os usuarios está garantido co novo contrato, recentemente adxudicado á empresa CK Senior despois dunha licitación aberta, pero debemos avanzar, traballar de forma conxunta entre administracións no futuro da residencia de Foz. En xaneiro do ano 2023 asinamos un convenio entre Consorcio e Concello de Foz segundo o cal a propiedade do edificio da actual residencia pasaría ao Concello, pero os trámites non avanzan”, explica o rexedor municipal.
Fran Cajoto engade que “o edificio, propiedade do Consorcio Galego de Igualdade e Benestar, está a ser xestionado polo Concello de Foz desde xaneiro do ano 2019. A transmisión da propiedade do edificio permitiría ao Concello solicitar un concerto coa Xunta de Galicia e abaratar o custo a aquelas prazas que se conveñen coa Xunta. Queremos que os prezos se abaraten para os usuarios, por iso ante os atrancos para que a Xunta a xestionase de forma directa buscamos no ano 2023 esta alternativa. En calquera caso as axudas de emerxencia social sufragadas por todos os focegos evitarán que unha persoa se quede fóra por non ter pensión ou recursos económicos para afrontar o custe da praza, axudas que aumentamos este ano en 240.000 euros, ata os 270.000”.
O alcalde de Foz quere tratar coa Conselleira de Política Social a transmisión da propiedade do edificio e as alternativas para aumentar un servizo que é claramente insuficiente: “temos que traballar de forma conxunta para ofrecer o servizo que necesita Foz. Con 40 prazas na residencia e máis de 150 en lista de agarda estamos moi lonxe das necesidades do noso Concello. A poboación envellece e non estamos preparados, a residencia é moi pequena para un concello coma o noso. Necesitamos máis prazas, que a Xunta de Galicia invista na ampliación da actual residencia. Unha solución podería pasar por aproveitar as instalacións do vello asilo e evitar a ruína do edificio, aínda que habería que superar moitos atrancos ao ser de propiedade privada, da Fundación Martínez Otero”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
