O deputado Daniel Castro advirte que algúns veciños xa están cambiando as cartillas ao centro de saúde de Alfoz por medo a quedar desatendidos
Santiago de Compostela, 26 de xuño 2024. O deputado da Mariña, Daniel Castro, preguntou no Pleno desta semana pola situación do centro de saúde do Valadouro, sen médicos despois de dúas xubilacións previsibles, e advertiu que a día de hoxe xa hai veciños que están cambiando as súas cartillas ao centro médico de Alfoz por medo a quedar desatendidos”.
Castro lembroulle ao conselleiro de Sanidade, Antonio Gómez Caamaño, que a mediados de abril a veciñanza do Valadouro se manifestaba no seu centro de saúde porque “basicamente non tiñan médicos”, para recriminarlle despois ao PP que non cubra nin xubilacións, nin baixas nin nada” sen garantir así o seu dereito a ser atendida pola sanidade pública.
O deputado nacionalista destacou tamén que hai máis dun ano se xubilaba con 70 anos un dos dous médicos do centro, ironizando con que “non se vía vir”. Denunciou que “entre marzo e abril, os veciños e veciñas que acudían ao centro de saúde comprobaban que non había ningún facultativo e que, co paso das semanas, seguía sen habelo”. E todo isto “por unha nova xubilación, algo -volveu ironizar- totalmente inesperado”.
Castro trasladou as queixas da veciñanza pola situación mantida durante o tempo para subliñar que “a única solución que o Sergas puxo enriba da mesa foi que unha médica fose pasar consulta algunhas horas algúns días, nun centro de saúde que tiña que ter dous médicos ou médicas”.
Apuntou que, “casualmente”, o día anterior á concentración do 14 de abril, o Sergas aseguraba que ía recuperar a normalidade da situación, “pero aquí pasou algo moi diferente”, lamentou, e especulou sobre dúas posibilidades: ou ben que “o PP considera normalidade que nun concello que ten que ter dous médicos só se pase consulta unhas horas á semana ou ben que basicamente lle mentiron á xente do Valadouro para intentar que a concentración non fose tan ben”.
“A día de hoxe a realidade é que hai habitantes do Valadouro que están a pasar a cartilla para o concello de Alfoz pola sinxela razón de que no seu concello non teñen garantida a atención sanitaria”, recalcou.
É por iso que Castro lle preguntou ao PP se “van volver mentirlle á xente ou se a veciñanza se ten que acostumar a que non haxa persoal médico no centro de saúde”, dixo en alusión ao que fixeron no de Ribadeo, Foz, Trabada, Viveiro, O Vicedo, Cervo, Muras ou A Pontenova nos que, ante a falta de médico, “actuaron como se non pasase nada”.
“Van seguir botando balóns fóra cando teñen as competencias exclusivas?, van cubrir as dúas prazas que lle corresponden ao Valadouro cantos antes? Ou vanlle dicir á xente que non teñen médicos por culpa de Catalunya?”, preguntou.
Ante a resposta do conselleiro, na que este lle botou a culpa ao goberno do Estado da escaseza de médicos, Castro replicoulle coa cantidade de prazas MIR cuberta en Burela, “unha de seis, e cero de seis o ano pasado”. A excusa cae rápido”, asegurou.
O deputado da Mariña, ante o anuncio de que ía haber dous médicos este verán no centro de saúdo do Valadouro, contestoulle que “por parte do BNG, estamos encantados de que así sexa, pero ata agora “a hemeroteca di o contrario”, concluíu.
É por iso que o BNG lembra que este sábado 29 hai convocada outra manifestación ás 12 da mañá no centro de saúde da localidade co lema “Unha vez máis, na defensa da atención primaria”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
