Así o adiantou Antonio Gómez Caamaño esta tarde no Pleno do Parlamento
Santiago de Compostela, 26 de xuño de 2024. O conselleiro de Sanidade, Antonio Gómez Caamaño, avanzou hoxe que o centro de saúde do Valadouro terá este verán cubertas as súas prazas vacantes de facultativos coa incorporación de dous médicos.
En resposta a unha pregunta no Pleno do Parlamento galego, Gómez Caamaño explicou que, tras a xubilación dun profesional do centro de saúde do Valadouro, a Xunta cubrirá nos primeiros días de xullo esa vacante cun médico de familia a tempo completo. Esa praza, ademais, incluirase na convocatoria que a Xunta fará este ano en virtude da lei de medidas extraordinarias dirixidas a impulsar a provisión de postos de difícil cobertura de determinado persoal estatutario.
O conselleiro referiu ademais que, grazas ao Plan de cobertura e reforzo da atención primaria na época estival, ao que a Xunta destina 12,5 millóns de euros, un dos médicos residentes que se está a formar no distrito sanitario da Mariña axudará no verán no centro de saúde do Valadouro para cubrir a segunda praza vacante.
Co obxectivo de mellorar a asistencia sanitaria dunha forma proactiva, o Servizo Galego de Saúde tamén segue a traballar, especialmente con enfermería, no programa de atención a pacientes crónicos.
O conselleiro de Sanidade remarcou o traballo do Goberno galego para garantir unha asistencia sanitaria de calidade tamén no verán e lembrou que é o Goberno de España o responsable de facilitar que haxa médicos que as comunidades autónomas poidan contratar.
Neste sentido, Gómez Caamaño censurou que o Ministerio de Sanidade non atenda as peticións reiteradas feitas por Galicia, entre elas, a petición de modificar o Estatuto Marco para elevar ata os 72 anos a idade máxima para o exercicio da medicina ou de mellorar o sistema de elección de prazas MIR para acadar máis formación nas especialidades de medicina de familia.
O conselleiro rematou a súa intervención remarcando que, fronte á inacción do Goberno central, a Xunta pon enriba da mesa solucións co obxectivo de garantir a mellor atención sanitaria posible, tamén aos veciños do Valadouro que, incidiu, este verán disporán de dous facultativos para atender as súas necesidades de asistencia sanitaria.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
