Antonio Ameijide explica que na xunta de goberno do venres, PSOE e BNG aprobaron un convenio interadministrativo de cooperación para o financiamento dos gastos correntes dos exercicios 2023 e 2024 do Concello de Meira por importe de 300.385,38€, é dicir “para tapar o buratos da xestión doutro alcalde socialista”
Lugo, 16 de xuño de 2024. Na xunta de goberno do venres, José Tomé, o PSOE e o BNG aprobaron un novo convenio interadministrativo de cooperación para cooperar no financiamento dos gastos correntes dos exercicios 2023 e 2024 do Concello de Meira por un importe de 300.385,38€, cunha achega de 300.000€ por parte da Deputación e de 385,38€ por parte do Concello de Meira. “Este convenio o agocharon na propia rolda de prensa, probablemente para intentar que non se enterasen o resto de concellos e a cidadanía”, sinalou.
O voceiro provincial popular, Antonio Ameijide, ve “reprobable” esta actuación por parte de Tomé xa que “unicamente se preocupa de axudar aos seus” e lle pregunta “se o goberno provincial pensa poñer en marcha unha liña de financiamento para sufragar os gastos correntes dos 67 concellos da provincia ou so vai a seguir pagando os cheques dos seus alcaldes afíns, mantendo esa liña do municipalismo de amiguetes”.
Neste caso, non é a primeira vez que a Deputación de Lugo acude ao rescate do Concello de Meira nos últimos meses. En decembro, socialistas e nacionalistas aprobaron en xunta de goberno provincial outro convenio para cooperar no financiamento dos gastos correntes do Concello de Meira, por un importe de 150.449,62€, cunha aportación de 150.000€ por parte da Deputación e de 149,62€ por parte do Concello de Meira.
Nos últimos meses, so ao concello de Meira, a Deputación enviou 450.000€ para tapar a mala xestión socialista deste Concello. “Semella que os alcaldes do PSOE, derrochan e arruínan os seus veciños e despois vai Tomé cos cartos de todos a pagar a conta”, afirmou.
Antonio Ameijide denuncia que Tomé “segue usando” a Deputación de Lugo “como a súa chequera de man” para financiar “a neglixente xestión” dos alcaldes socialistas ao longo da provincia, recordando varios casos dos últimos meses como Pol, Guitiriz, Taboada ou Antas de Ulla, “curiosamente todos gobernados por rexedores socialistas”.
Especialmente chamativo foi o caso de Pol, xa que o alcalde Lino Rodríguez tivo que recorrer á axuda da Deputación para poder facer fronte a gastos correntes do día a día, como o pagamento dos seguros ou do combustible dos vehículos municipais, para a compra de material para reparacións da rede de subministro de auga ou para a adquisición de sementes e fertilizantes.
Unha situación “inxusta” xa que “nin socialistas nin nacionalistas tratan por igual a todos os veciños da provincia”, sendo a realidade que a institución provincial está a dirixir fondos de tódolos lucenses a sufragar gastos correntes de concellos con alcaldes afíns. “É certo que unha das funcións das Deputacións Provinciais é a cooperación cos concellos, como tamén o é o feito de que o goberno desta institución non colabora do mesmo xeito con todos os Concellos da provincia”, recordando o voceiro provincial popular os 15M€ que o goberno provincial repartiu a dedo en 2023 a través de convenios aprobados nas xuntas de goberno, un concepto no que no primeiro trimestre de 2024 deron a dedo 900.000€ unicamente a municipios con alcaldes do PSOE ou do BNG.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
