Antonio Ameijide ve necesario “formular” unha nova proposta que “non retire paradas nin elimine servizos” xa que “a sensación que transmite esta proposta é incomunicar aínda máis á provincia de Lugo”, a máis illada de España
Lugo, 19 de xuño de 2024. Os deputados do Grupo Provincial Popular defenderán no pleno deste mes unha iniciativa para que a Deputación de Lugo inste ao Goberno central a retirar a nova proposta do mapa de concesións estatais de liñas de autobús xa que “recorta o servizo e deteriora a calidade deste transporte público”.
O voceiro popular, Antonio Ameijide, ve necesario “unha nova proposta” que “non elimine paradas nin retire servizos” xa que á proposta do goberno de Pedro Sánchez o que di é que “van a incomunicar aínda máis á provincia de Lugo, a máis illada de España”.
Por este motivo, no Grupo Popular “non entenden” esta proposta do Goberno central ao que instan a “negociar coas comunidades autónomas o alcance e contido dun novo mapa estatal” para o que consideran necesario convocar de forma urxente a Conferencia Nacional de Transportes.
“É necesario consultar ás comunicades autónomas a situación de cada unha e, neste caso, incorporar as demandas trasladadas desde Galicia tendo en conta as peculiaridades xeográficas e de poboación da nosa comunidade, prestando especial atención ás conexións do e no rural”, defendeu.
A realidade é que as liñas regulares de transporte de viaxeiros por autobús son claves para garantir e favorecer a mobilidade dos cidadáns, en especial daqueles que viven en zonas rurais e con menor densidade de poboación, e tamén para comunicar e vertebrar a nosa comunidade e conectala co resto de España.
En xullo do ano 2022 tivo lugar un primeiro intento de impoñer un novo mapa de rutas do autobús estatal, que provocou gran alarma e alegacións tanto entre os gobernos autonómicos como entre a cidadanía, pola supresión de paradas e rutas.
A pesar de que no seu momento se retirou esta proposta, ante o rexeitamento que provocou, “vemos como o Goberno de España, en lugar de rectificar, volve a propoñer un novo mapa que retoma a intención de suprimir paradas e rutas en termos semellantes aos do ano 2022”.
A nova proposta faise desde a imposición, sen contar coas comunidades autónomas, nin atender ás alegacións presentadas desde Galicia e tamén dende o Grupo Provincial Popular nesta institución.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
