Ribadeo, 26 de xullo de 2024. A Banda Municipal de Música de Ribadeo ofreceu o tradicional concerto do Día da Patria no ribadense Campo de San Francisco onte, xoves, día no que se cumpriron 15 anos desde que David Ballester Martínez comezou a dirixir a formación.
O concerto foi presentado pola concelleira de Turismo, Marta Saiz, e despois a Banda ribadense interpretou estas pezas: Banda Galega, de Felisindo Pérez Seara; Alborada de Celanova, de Francisco Landín; Marcha Triunfal de Aida, de Giuseppe Verdi; O Chopo, de Manuel Iglesias; Destellos del Alba, de Ferrer Ferran; A Fiada, de José Lodeiro; Latin Gold, arranxada por Paul Lavender; A Cova do Rei Cintolo, de Frank J. Cogollos; e Rapsodia Galega nº 1, de Enrique García Rey. De bis tocaron a Muiñeira das Comadres, de Simón Couceiro, e rematou o concerto co himno galego.
O director da Banda de Ribadeo agradeceu ao público a asistencia e os aplausos, recordou que tal día como o de onte hai 15 anos fíxose cargo da Banda e comentou que a peza coa que empezaron este concerto foi a primeira que dirixiu coa Banda de Ribadeo e explicou que decidiu empezar esta actuación desta maneira “para rememorar aqueles tempos”.
David Ballester destacou ademais: “durante estes 15 anos foi moita a xente que me axudou a que isto fora para adiante, aos que quero agradecerllo; aos que ao principio confiaron en que eu me podía facer cargo da Banda Municipal de Música de Ribadeo, tanto do Concello -naquel momento era concelleira Mari Luz Álvarez Lastra- como da asociación Amadores da Música, que é a que se fai cargo da Banda en gran parte. A todos os presidentes que pasaron quero darlles as grazas por aturarme porque ás veces igual son un pouco pesado con algunhas cousas”.
Ballester engadiu que “ao final o menos importante é o director, os importantes son os músicos porque son os que fan que a Banda día a día funcione e soe así. Para min é un orgullo levar 15 anos dirixindo a Banda e gustaríame seguir algún aniño máis”. Ademais pediu un aplauso para os músicos “polo traballo que fan e por aturarme”, e tamén ao técnico municipal Alberto Moledo, quen lle entregou un ramo de flores en nome dos integrantes da Banda polos 15 anos que leva de director.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
