O alumnado do curso recibiu a visita de Silvia Rozas, natural de Burela e frautista principal da Ópera de Hannover, que impartiu un obradoiro de frauta
Burela, 4 de xullo de 2024. A Escola Municipal de Música de Burela celebrará mañá, venres 5 de xullo, o concerto de clausura do seu Curso Interdisciplinar. Nel, o alumnado do curso interpretará o conto musical ‘Antón e Xía’, ás 13:00 no auditorio da Casa da Cultura de Burela.
A frautista principal da Ópera de Hannover, a burelá Silvia Rozas Ramallal, vén de impartir un obradoiro de frauta como parte do curso. Nel compartiu co alumnado tanto os seus consellos e técnicas como a súa experiencia como música profesional, de cara á celebración do concerto final.
A moza burelá conta cunha traxectoria moi destacada, xa que foi membro tamén da Orquestra Sinfónica de Galicia, da Xove Orquestra da Unión Europea e da Ópera de Berlín, e ten participado en prestixiosos certames internacionais.
A frautista deu os seus primeiros pasos na Escola de Música de Burela, da que pasou ós conservatorios de Vilalba e Viveiro. Logo seguiu coa súa preparación na Coruña, de onde deu o salto cara a Alemania, primeiro a Berlín e logo a Hannover.
“Para nós, contar con alguén coma Silvia Rozas é un privilexio, agradecemos fondamente a súa implicación”, sinala o concelleiro de Educación e Xuventude e responsable da Escola Municipal de Música, Mario Pillado.
“Como prometéramos cando a recibimos o ano pasado, era moi necesaria esta colaboración, que dá valor ó curso que se está a celebrar na nosa Escola de Música”, afirmou o edil.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
