A inaguración será ás 11h e o pregón ás 12:30h a cargo de Dna. Paula Cabaleiro
Mondoñedo, 26 de xullo de 2024. O Barrio dos Muíños de Mondoñedo acollerá nas súas prazas e rúas unha nova edición da súa feira de artesanía á que asistirán multitude artesáns a expoñer e vender os seus produtos.
A feira, que arrancará ás 11h, estenderase ata as 21h e contará con demostracións de oficios durante toda a xornada: olería, fiado, coiro, percusión, tear, cartón-pedra, etc.
O pregón da feira, que se celebrará ás 12:30h, correrá a cargo de Dna Paula Cabaleiro, Xestora cultural e comisaria de arte, Membro do Plenario do Consello da Cultura Galega e Coordinadora da Comisión de Políticas Culturais do Consello da Cultura Galega.
A feira de artesanía está organizada pola Asociación Profesional de Artesáns dos Muíños de Mondoñedo e con ela colaboran o Concello de Mondoñedo, a Xunta de Galicia a través de Artesanía de Galicia e A Taberna do Valeco.
Organización e colaboradores queren convidar a veciños e visitantes a asistir a esta feira de artesanía que exalta os nosos produtos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
