A Xunta debe garantir as contratacións para cubrir as baixas por vacacións, enfermidade e xubilacións do persoal sanitario
A Mariña, 11 de xullo 2024. En rolda de prensa celebrada hoxe en Burela o BNG advertiu da grave situación que atravesa a sanidade pública na Mariña xusto no comezo dunha época estival donde a comarca multiplica a poboación. O deputado no Parlamento Daniel Castro, o deputado provincial Daniel García e o responsable comarcal Antonio Veiga, acompañados de cargos institucionais da comarca deron conta das reiteradas deficiencias e falta de persoal nos centros de saúde.
“Desde o BNG vimos denunciando en numerosas ocasións no Parlamento o deterioro da sanidade pública como consecuencia de quince anos de recortes e privatizacións do goberno do PP ao fronte da Xunta, que se tén convertido nun perigo para a saúde das galegas e dos galegos, porque o PP ignorou premeditadamente a súa responsabilidade de planificar e organizar o bo funcionamento do sistema público de saúde, tanto no que se refire á correcta dotación de persoal, a mellora da atención primaria e á dotación do financiamento que permita á Consellería de Sanidade dispor dos medios necesarios para garantir o dereito á saúde pública, gratuíta e universal da poboación” manifestou Daniel Castro, que centrou as súas críticas nos numerosos e graves casos de falta de persoal nos centros de saúde dos diferentes concellos da comarca, tal como corroboraron tamén os edís nacionalistas presentes na rolda de prensa que deron conta das situacións que se están a vivir nos seus respectivos concellos.
Centros de saúde en risco de colapsar, concello a concello
Así, hai casos coma o de O Vicedo, que de dúas prazas a cubrir, unha está no aire, dispoñendo dunha médica con contratos temporais. No centro de saúde de Viveiro hai que agardar 15 días para unha consulta, 21 días para receitas, non hai dentista, estiveron 2 meses sen matrona por non cubrir a súa baixa, no turno de mañá hai 5 médicos de 7 que lle corresponden e no de tarde 2 de 4.
No Valadouro deixan ao centro de saúde sen ningún médico e despois das mobilizacións veciñais de abril e xuño cubren só unha praza cun médico xubilado. En Barreiros, de 3 médicos hai dous e non hai médico para desprazados desde hai uns anos, algo que é común a outros concellos de A Mariña, o que non se entende cando esta comarca é un destino turístico de primeira orde. En Foz, outro concello que multiplica a poboación segue sen médico para desprazados, segue sen matrona, adían citas 20 días despois de estar outros 15 agardando por ela, e tamén praza de médico sen cubrir. En Burela e Cervo tamén hai retrasos nas citas polas vacacións de verán. En Riotorto, que estivera sen os dous médicos, teñen un despois de moitas mobilizacións veciñais.
En servizos comarcais tan importantes coma o de saúde mental hai tamén un psiquiatra de menos.
Planta de medicina interna, pechada. Derivacións a Lugo
A planta de medicina interna do Hospital da Mariña, a única planta médica (as outras son cirúrxicas), piar básico do nivel asistencial hospitalario, está pechada. Este peche de 38 camas cando máis poboación hai na Mariña obrigará a derivar a Lugo porque o persoal desas planta está repartido polo resto do centro cubrindo as vacacións. “Esta é, manifestan os nacionalistas, a garantía de calidade asistencial que o novo conselleiro pregoa a bombo e platillo, máis o certo é que na Mariña non se pode enfermar no verán porque hai 38 camas menos dispoñibles para toda a poboación que se multiplica na Mariña en época estival”
Área Sanitaria
Desde o BNG recordaron tamén a eliminación por parte do PP da Área Sanitaria da Mariña fai agora 7 anos, co cal se entenden agora moitas das eivas que está sufrindo a comarca en materia sanitaria, algo do que advertiran xa os nacionalistas en agosto de 2017, de que a centralización en Lugo de moitos servizos traería consecuencias negativas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
