Alexandra Fernández acusa ao Goberno de Rueda de converter o rexistro de establecementos e actividades turísticas nun “coadoiro de VUT ilegais”
Santiago de Compostela, 7 de xullo, 2024. A portavoz de Vivenda do BNG, Alexandra Fernández, reclámalle ao Goberno do PP que abandone “a política da lei da selva” que rexe nestes momentos sobre as vivendas de uso turístico (VUT) en Galiza, e deixe de “boicotear” os pasos adiante que “con valentía” están dando concellos como o de Santiago de Compostela para regular este tipo de establecementos.
“O Goberno galego están intentando boicotear os avances dos concellos. É gravísimo que primeiro se poñan de perfil para ordenar o problema das VUT, pero aínda é máis grave que cando os concellos poñen límites a Xunta faga ouvidos xordos desas normas e inscriba as VUT ilegais”, manifesta, engadindo que “os concellos poden pór normas, pero quen ten as competencias en materia de turismo para controlar e rexistrar os establecementos é a Xunta”.
Alexandra Fernández levará ao Pleno deste semana o debate sobre a “evolución explosiva” das vivendas de uso turístico, que en apenas sete anos se incrementaron nun 4.510 %, pasando das 500 que había rexistradas no 2017 ás máis de 22.500 de hoxe en día. Un “crecemento exponencial” e sen as medidas de ordenación necesarias que, segundo denuncia, está a ter importantes consecuencias tanto nos prezos da vivenda en xeral, como na “calidade urbana” e sobre o modelo turístico. Trátase, engade, dun “problema social de primeira orde”.
Fernández interpelará ao Goberno do PP sobre esta cuestión para reclamarlle que exerza as súas competencias e adopte medidas para a planificación, control e equilibrio da presión entre o mercado residencial e o turístico. Denuncia, neste sentido, o “mecanismo de descontrol premeditado” da Xunta, que inscribe as VUT no seu rexistro sen comprobación da súa legalidade.
Critica así que os concellos que dispoñen de ordenanzas específicas que regulan este tipo de establecementos -aínda unha minoría- “non poden facelas efectivas como consecuencia da actuación da Xunta, que permite inscricións irregulares”. Isto é así porque, segundo expón na interpelación rexistrada, neste momento para dar de alta unha VUT e incorporala no Rexistro de Establecementos e Actividades Turísticas (REAT) só hai que presentar unha declaración responsable asinada polo propietario conforme cumpre as normas, “pero non a documentación que o acredite”.
Un “descontrol premeditado”, reitera, porque a Xunta do PP négase a facer o labor de vixilancia e “apenas retira do censo aquelas vivendas cunha sentenza firme, como xa ten sucedido, co TSXG resolvendo que non poden exercer sen o título habilitante”. “O REAT tense convertido nun coadoiro de vivendas ilegais”, subliña a deputada do BNG, que pide á Xunta unha revisión do censo para detectar os inmobles que non cumpren coas normas.
Alexandra Fernández destaca os problemas que está a crear o crecemento desmesurado de aloxamentos de uso turístico no acceso á vivenda, pois este tipo de inmobles está absorbendo a oferta de tipo residencial e está contribuíndo a alza dos prezos do aluguer. Ademais, agrega, a proliferación das VUT ten efectos no modelo urbano, coa expulsión da veciñanza en determinadas zonas de concentración.
Recalca, finalmente, os prexuízos da falta de planificación do sector sobre o propio modelo turístico, pois “unha zona que foi baleirada de veciños e reducida a unha área comercial ao aire libre para turistas acaba por crear contornas turísticas pobres e de baixa calidade”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
