Presentaron iniciativas no Senado e no Parlamento de Galicia
Lugo, 6 de xullo de 2024. O Partido Popular vén de anunciar unha ofensiva con iniciativas no Senado e no Parlamento de Galicia para reclamar á Demarcación de Costas do Estado que repoña “en condicións de seguridade e normalidade” os accesos á emblemática praia de San Bartolo, no municipio lucense de Barreiros.
Os populares reclaman tamén,a este departamento estatal dependente do Ministerio para a Transición Ecolóxica e o Reto Demográfico,que acometa de forma inmediata a reparación do cantil, antes de que se produzan novos derrubes que poidan afectar o paseo de San Bartolo, así como que impulsen as actuacións necesarias para evitar futuros danos.
A principios do mes de xaneiro do ano 2021 produciuse un desprendemento de rocas de gran tamaño sobre a escalinata de acceso occidental da praia de San Bartolo. Tres anos despois, aínda non se retiraron as rocas, nin se consolidou o cantil, polo que devandito acceso continúa cortado ante a falta de seguridade.
A zona do desprendemento está situada no espazo do dominio público marítimo terrestre. Desde o PP sinalan que a administración estatal, competente neste ámbito, non foi capaz de dar resposta, nin de explicar cando se acometerán as obras, demostrando que hai unha falta de interese por responsabilizarse da retirada das rocas e da reparación do cantil que soporta o paseo de San Bartolo.
Os populares censuranpor igual a inacción do Goberno de España e do Goberno municipal xa que, durante todo este tempo, máis de tres anos, non foi capaz de obrigar a solucionar esta problemática, o que fai temer que esta será o cuarto verán consecutivo no que os accesos á praia de San Bartolo sigan pechados, privando a turistas, veciños e veciñas do goce da praia de San Bartolo.
DAS MELLORES PRAIAS DA PROVINCIA
Cómpre lembrar que o municipio lucense de Barreiros ten nas súas praias un recurso natural de primeira magnitude e un dos atractivos máis importantes desde o punto de vista turístico, actividade fundamental para a economía local. Os areais son tamén un lugar de diversión, deporte e de saúde para os seus veciños.
A praia de San Bartolo é, sen dúbida, un dos espazos máis emblemáticos da costa de Barreiros, visitada por multitude de persoas e, xunto coa praia de Altar, son os dous areais máis coñecidos da localidade no exterior.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
