O voceiro popular, José Manuel Gómez Puente, explica que son numerosas as queixas porque nas últimas semanas é habitual que se apague o alumeado en varias rúas de San Bartolo
Barreiros, 8 de xullo de 2024. Os primeiros turistas xa desfrutan das praias e da riqueza natural e cultural de Barreiros, pero semella que ao goberno local non lle preocupa garantir a seguridade destes visitantes que chegan ao municipio nin dos propios veciños.
O voceiro popular, José Manuel Gómez Puente, explica que as farolas están apagadas en tres rúas de San Bartolo, afectando a dous locais de hostalería, ao espazo recreativo desta zona e aos veciños das numerosas vivendas que hai nestas rúas. “A situación é un perigo para calquera persoa que vaia a pasear por esta zona”, sinalou.
O popular tamén fai referencia a un burato de grandes dimensións na zona que “están sen sinalizar, supoñendo outro risco para a veciñanza”. Neste senso, José Manuel Gómez Puente insta ao goberno local “a realizar os traballos de mantemento urxentes e necesarios para garantir a seguridade” xa que un burato coma este “pode supoñer un gran perigo porque os cidadáns somos curiosos e calquera pode esvarar”.
A ROTONDA SEGUE SEN ILUMINAR
José Manuel Gómez Puente recorda que segue sen acenderse a iluminación da rotonda que une as nacionais 634 e 642 en Barreiros “pese a que hai máis de dous meses que o denunciamos”.
O voceiro popular en Barreiros explica que por esta rotonda circulan a diario miles de condutores xa que estas dúas estradas nacionais son dúas das principais arterias da Mariña xa que ademais de unir esta comarca de Este a Oeste, a N-634 dá acceso a autovía A-8.
“Non desistiremos ata conseguir que recuperen a iluminación neste punto xa que trátase da seguridade da xente, un tema no que ninguén debe dubidar nin un intre e poñer todos os medios para garantir a seguridade, finalizou.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
