A actualización dos datos pode realizarse a través do portal IMPORT@SS ou en calquera das oficinas da TGSS
Lugo, 29 de xullo de 2024. A subdelegada do Goberno en Lugo, Isabel Rodríguez, informou esta mañá de que preto de 5.000 persoas dadas de alta no Réxime Especial de Traballadores Autónomos (RETA) da provincia recibirán unha comunicación para que actualicen os seus datos de contacto e dirección de correo electrónico na Seguridade Social.
As persoas afectadas recibirán unha mensaxe SMS a través dos seus móbiles ou unha carta postal “nas próximas semanas, de forma gradual para evitar colapsos”, explicou a subdelegada. Así, para evitar posibles confusións ou desconfianza por parte das persoas afectadas, detallou o texto que se recibirá: “Regularización cotización RETA 2023. Debe comunicar o seu correo electrónico para evitar incidencias na próxima regularización a través da seguinte ligazón: https://portal.seg-social.gob.es/wps/portal/importass/importass/Categorias/Datos+persoais Información 915410291 ou 901502020”.
Isabel Rodríguez remarcou que é necesario proceder a esta actualización polas incidencias que poida ter na próxima regularización das cotizacións dos traballadores e traballadoras autónomas, “facendo un chamamento para a difusión desta campaña, trasladando tranquilidade e garantindo que non se trata nin dunha estafa nin dun engano”. Lembrou tamén que os cidadáns que o desexen poden acudir presencialmente ás oficinas de información que a Tesourería Xeral da Seguridade Social ten na Rolda Músico Xosé Castiñeira, 26, na cidade de Lugo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
