Ribadeo, 22 de xullo de 2024. Ribadeo inicia unha colaboración coa asociación Down de Lugo para promover un foro de análise. O colectivo contará cunha subvención nominativa do Concello, segundo deu a coñecer hoxe o alcalde, Dani Vega.
O rexedor explicou que “Ribadeo acolleu un encontro coa asociación Down Lugo, que para nós é importantísima, con implantación a nivel provincial e que se fixou en Ribadeo para iniciar proxectos de futuro”.
Vega indicou que “foi un encontro que se celebrou en primeiro lugar no Concello, onde lles demos a benvida a todos os asistentes e despois tamén acudiron ó centro de Pedro Murias, onde puideron disfrutar primeiro dunha comida e despois de actividades. En definitiva disfrutaron do Ribadeo que queremos todos”.
O alcalde contou que “levamos tempo traballando para iniciar proxectos e un camiño xuntos. E en primeiro lugar anunciamos que no presuposto do 2025 vai haber unha colaboración, é dicir unha subvención nominativa, para esta asociación. Polo tanto seguimos incrementando unha aposta decidida polos servizos sociais, pola colaboración con asociacións que están cumprindo un traballo fundamental para abrazar e para valorar á persoa. E dende logo nós vamos estar sempre con eles colaborando”.
Dani Vega dixo que “con este anuncio desa subvención nominativa convertémonos no primeiro concello da Mariña en colaborar coa asociación Down de Lugo. E tamén vamos iniciar un traballo conxunto para que Ribadeo se converta nesa sede dun foro de análise de propostas para mellorar. Polo tanto a asociación Down Lugo e o Concello de Ribadeo van preparar un foro de debate e de propostas para seguir avanzando nesta materia”.
Para o rexedor “son dúas propostas moi serias, moi concretas e tamén iniciamos conversacións para valorar distintas ideas e vamos darlles o encaixe legal para que sexa así posible realizalas. E dende logo seguir neste espírito de colaboración, de axuda, cunha asociación que desde o noso punto de vista é prioritaria na provincia de Lugo. Valorar e apostar pola persoa, iso é o importante”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
