Ribadeo, 31 de xullo de 2024. Todo está listo para a celebración da Xira de Santa Cruz o vindeiro domingo, 4 de agosto. Esta festa de interese turístico de Galicia foi presentada esta mañá a carón do monumento ao Gaiteiro. O Concello porá en marcha, por segundo ano, o Xirabús para facilitar a subida de xeito seguro e sostible.
A presidenta da asociación Amigos da Gaita Galega, Noelia García, declarou: “xa chega a Xira e dende a directiva de Amigos da Gaita animámosvos a todos a subir e pasar unha boa xornada con nós: comendo, bailando e disfrutando”.
A concelleira de Turismo, Marta Saiz, tivo palabras de agradecemento para Amigos da Gaita: “agradecerlle á asociación Amigos da Gaita, á que ademais téñolle un cariño especial posto que pertencín á directiva durante moitos anos. Así que un ano máis chega a Xira e hai que animar a esta xentiña nova que se decidiu a coller esta asociación tan bonitiña a que continúe con ese labor tan importante para a tradición, para a gaita, para o baile e para esta Xira de Ribadeo, esta festividade no monumento ao gaiteiro”.
Saiz animou á participación neste evento: “animar a todos os ribadenses e visitantes a que suban porque seguramente vai ser un día perfecto para pasar en familia e con amigos”.
O alcalde, Dani Vega, dixo: “quero agradecerlle a Amigos da Gaita, a coordinación que tivo co Concello, cos técnicos, de Cultura, de Turismo… Non nos esquezamos que esta é unha festa de interese turístico autonómico, en Ribaleo que temos dúas, debemos conservalas, debemos coidalas e mimalas, e dende logo é o que estamos facendo. Amigos da Gaita leva facendo isto moitos anos e lévao facendo moi ben, por iso desde o Concello, xa hai anos, viñamos repetindo e insistindo que débese coidar tamén o entorno”.
E lembrou: “por iso, ese bando que sacamos fai pouco tempo, acreditamos perfectamente que o Concello quere coidar e preservar o monte de Santa Cruz. Por iso, o vemos ta bonito e o vemos tan arranxado, xa que levamos tempo facendo ese desmeste de árbores, conservando o entorno, arranxando as mesas, as churrasqueiras. Quédanos máis traballo por facer, pero nestes momentos, nesta segunda acción que fixemos, quixemos actuar aquí en Santa Cruz, en colaboración tamén coa Comunidade de Montes”.
Vega sinalou que “Amigos da Gaita, eu creo que é un exemplo en Galicia, por ter unha festa onde honramos ao Gaiteiro, estamos agora mesmo aquí, ao pé do Gaiteiro, feito por Faílde, un ourensán… honran ao Gaiteiro e á Gaita. Conservar, coidar a tradición, a música tradicional é algo importantísima. E despois animar a todas as familias, animar a todos os rapaces e rapazas de Ribadeo a que acudan ao monte de Santa Cruz, que o coiden, pero tamén que coiden a tradición. Polo tanto, creo que entre todos estase facendo un traballo moi importante, e seguir loitando por esa festa da Xira de Santa Cruz, que é conservar o que é noso”.
O Concello de Ribadeo porá en marcha o servizo de Xirabús para acudir a Santa Cruz o vindeiro domingo de maneira segura e sostible. O Xirabús, de balde, partirá da estación de autobuses de Ribadeo de maneira ininterrompida desde as 12 da mañá ás 15:00 horas. E para a volta sairá de Santa Cruza desde as 23:00 horas ás 02:00 da madrugada.
A Xira de Santa Cruz dará comezo o sábado, 3 de agosto, co pregón no Cine Teatro a cargo da Familia Mon ás 20:00 horas e a continuación actuarán as Escolas de Amigos da Gaita.
Xa o domingo, día 4, ás 12 horas pasarrúas con AC Ponte da Pedra, O Arco da Vella e CC A Ponte Vella. Á mesma hora actuación das Escolas de Amigos da Gaita no Cantón dos Moreno e despois subida a Santa Cruz: xantar, música, baile… Ás 19 horas terá lugar a ofrenda floral no monumento ao Gaiteiro. E ás 19:30 horas concertos de: Fransy González, Davide Salvado e Cibrán Seixo, Xurxo Fernándes e Pan Sen Fron.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
