Viveiro, 19 de xullo de 2024. O Concello de Viveiro presentou esta mañá a súa nova APP, que permite experiencias inmersivas en 3D coa recreación das tres portas desaparecidas da antiga muralla: a das Angustias, a de Santa Ana e a de San Antonio.
Na presentación estiveron a alcaldesa e responsable da área de Turismo, María Loureiro; Carlos Nuevo, cronista oficial de Viveiro, que aportou documentación e datos ao proxecto; o arquitecto municipal, Santiago Meitín, e a técnica da oficina de Turismo, María San Isidro, que tiveron un papel importante no proxecto.
“Un novo paso para ofrecer servizos dixitalizados e de calidade aos nosos veciños e veciñas, en primeiro lugar, e tamén a todas as persoas que nos visitan durante o ano”, explica María Loureiro.
O concello acadou unha subvención, tramitada pola Xunta no marco do Plan de recuperación, transformación e resiliencia, financiado pola Unión Europea-NextGenerationEU.
Con ela, Viveiro desenvolveu o seu proxecto ‘Viveiro Medieval’, que consiste nun portal web de realidade aumentada e xeoposicionamento, coa integración do panel de xestión integral da App, en funcionamento dende decembro do 2023, e a creación destas novas experiencias inmersivas en 3D que poñen en valor o noso pasado medieval, renacentista e moderno grazas a recreación das tres portas desaparecidas da antiga muralla: a das Angustias, a de Santa Ana e a de San Antonio.
“Neste caso, proxectáronse no aspecto que terían a finais do século XVIII segundo distintas fontes documentais, e tamén recreáronse as portas da Vila e a do Valado, onde se poden ver tramos da muralla que percorría todo o perímetro do centro histórico. A todo isto súmase tamén o alzado exterior da igrexa de Santa María do Campo”, engade a alcaldesa de Viveiro.
As recreacións engloban tanto as propias portas como o entorno onde estaban ubicadas: a porta das Angustias e a súa proximidade á ponte do río Labrada, a porta de Santa Antonio e os alfolís (almacéns reais de sal onde se gardaban e vendías a sal estancada con privilexios reais), e adosado a ela o baluarte defensivo cun pequeno patio onde facían instrución, e a porta de Santa Ana moi próxima ao convento de Santa Domingo, todo elo fronte ao alxibe.
A localización actual das portas desaparecidas sería a seguinte: Porta das Angustias, na rúa Irmáns Vilar Ponte, esquina coa praza de Juan Donapetry (Pontelabrada); a Porta de San Antonio en Avenida de Cervantes, esquina con Margarita Pardo de Cela (A Ribeira); e a Porta de Santa Ana en García Dóriga con Pastor Díaz (praza de Lugo).
Coa App ViveiroAR presentada en decembro, na que se xeoposicionan diferentes recursos turísticos do municipio, “dispoñemos dun tótem en 3D da Puerta de Carlos V e o novo proxecto que hxe presentamos”, remata Loureiro.
Na páxina web de Viveiro Turismo pódese atopar a WebAR e desde alí acceder á App e disfrutar de todo o contido.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
